Jueces 7:22 - Bible in Tzeltal Bachajón

²² C'alal yacalic ta yoq'uesinel xulubiletic a te ho'lajunwinic (300) ta tuhl winiquetic, te Jehová la yac'ticlambe smil sbahic ta spisil te campamento. Soc te soldadohetic loq'uic bahel ta ahnel c'alal ta Bet-sita, ta stojol Zerera, ha to ta sti'il sq'uinal Abel-mehola ta nopol Tabat.

Bible in Tzeltal de Oxchuc y Tenejapa

²² Pero yacalic ta yoq'uesinel xulubil te jo'lajunwinic (300) ta jtul israeletique. Te Cajwaltic ja' nix la yac'bey smil sbaic te madianetic, soc te ya xloq'uic bael ta anel c'alal ta Bet-sita ta sbelal Zerera, soc ja' to ta sti'il sq'uinal Abel-mehola ta nopol Tabat.

Jueces 7:22 Referans Kwoze

1 Reyes 4:12

Baana snich'an Ahilud, ta Taanac, Meguido, soc spisil Bet-seán te slac'oj sba soc Saretán ta ye'tal xan yu'un Jezreel, c'alal Bet-seán ha to ta Abel-mehola, c'alal ta jehch Jocmeam;

2 Crónicas 20:23

Como te amonetic soc te moabetic hahch ya'beyic guerra te mach'atic talemic ta wits Seir yu'un ya smilic soc ya slajinic. Te c'alal laj smilbelic a te mach'atic talemic ta wits Seir, talel c'axel hahch smil sbahic.

1 Reyes 19:16

Te Jehú snich'an Nimsi, ya me amalbe aceite scuenta ajwalil yu'un Israel; soc te Eliseo snich'an Safat, ta Abel-mehola, ya me amalbe aceite scuenta ajelol ta jalwanej.

Josué 6:20

Ha yu'un awonic te pueblo, soc te sacerdotehetic la yoq'uesinic te xulubiletique. C'alal la ya'iybeyic yoq'uel xulubil te pueblo, buen tulan awonic, hich hemts'uj cohel te ts'ahque. Jujutuhl toj ochic bahel ta Jericó, hich la stsalic.

Isaías 19:2

Ya yal te Jehová: Ya cac' te ya scontrahin sbahic te egipciohetic, jujutuhl ya stsac sbahic soc yermano, jujutuhl soc te spat-xuhc, te pueblohetic ya scontrahinic yan pueblohetic, soc ajwalil ya scontrahin yan ajwalil.

Isaías 9:4

Como la alajimbe te yugo yu'unic te al, ha te te' ay ta snehquelic soc te bastón yu'un te mach'a uts'inot yu'un, hich te bin ut'il ta yorahil te jihn te Madián.

Salmos 83:9

Hich me xapasbe te bin ut'il la apasbe te Madián, hich te bin ut'il la apasbe te Sísara soc te Jabín ta muc'ul-ha' Cisón,

Josué 6:16

Ta shuquebal buelta, te c'alal la yoq'uesinic te xulubiletic te sacerdotehetic, te Josué la yalbe te pueblo: ¡awonanic, como te Jehová ya'beyejex te pueblohe!

Josué 6:4

Huctuhl sacerdotehetic ya yich'ic bahel huqueb xulub tat tuminchij, ha ya xnahilijic bahel yu'un te scaxahul te chapbil-c'op. Ta shuquebal c'ahc'al huqueb buelta ya me ajoyobtayic te pueblo, yac ta yoq'uesinel xulubiletic a te sacerdotehetique.

2 Corintios 4:7

Pero quich'ojcotic te c'uhlejalil ini ta vaso pasbil ta ahch'al, scuenta yu'un ya xchicnaj te ha nix yu'un Dios te yutsil yu'el, te ma cu'uncoticuc.

1 Samuel 18:19

Te c'alal c'oht yorahil te ya x'a'bot yic' Merab te David, te Saúl la ya'be yic' te Adriel, te mehola-winic.

Ezequiel 38:21

Ta spisil te witsiltic cu'un ya quic' tal te espada ta scontrahinel te Gog, xchi te Jehová, te Ajwalil; te espada yu'un jujutuhl ya scontrahin te spat-xuhc.

Habacuc 3:14

Ha nix ta slanzahic la alowbe te jtsobawetic yu'un te soldadohetic yu'unic, te talic hich te bin ut'il yic'al-ha'al yu'un ya spucotcotic bahel, te tse'el yo'tanic hich te bin ut'il muquen ya slajin te pobrehe.

Hageo 2:22

Ya jbuchbe te shuctajib ajwaliletic soc ya jlajimbe yipic te nacionetique; ya jbuchbe te carretahetic yu'un guerra soc te mach'atic mohemic tey a; te cawuhetic soc te mach'atic cajajtic a ya xlajic ta espada yu'un te yermanotaque.

Josué 3:16

quehchaj te ha' te ya x'oquin tal ta ahc'ol, namal to la stsob hilel sba ta pueblo Adam nopol ta Saretán, yan te yoc te ya x'oquin bahel ta mar yu'un Arabá, ha te Mar Salado, taquij bahel. Hich sohlic bahel te pueblo ta stojol Jericó.

Isaías 9:3

La awac' p'ohluc te ants-winiquetic soc la awa'be bayel yutsil yo'tanic. Tse'el yo'tanic ta atojol hich te bin ut'il ta yorahil stsobel sit awal-ts'unubil, hich te bin ut'il c'alal ya spucbe sbahic te bintic pojbile.

Zacarías 14:13

Ta hich ora ya xchicnaj ta yohlilic bayel xiwel te ticombil yu'un Jehová; jujutuhl ya stsacbe sc'ab te smohlol, soc talel c'axel ya shach sc'abic ta scontrahinel sbahic.