Jueces 7:21 - Bible in Tzeltal Bachajón

²¹ Te snich'nab Israel tey nix hilic a ta banti tec'ajtic ta sjoyobal te campamento, spisil te soldadohetic yu'un Madian awonic soc loq'uic ta ahnel.

Bible in Tzeltal de Oxchuc y Tenejapa

²¹ Tey nax ainic a te israeletic ta bay tec'ajtic ta sjoyobal scampamentoic te madianetique. Spisil te soldado-madianetic awunic, soc loq'uic bael ta anel.

Jueces 7:21 Referans Kwoze

Proverbios 28:1

Te mach'a chopol yo'tan ya x'ahn bahel aunque mayuc mach'a ya xnutsot yu'un; yan te mach'a toj yo'tan, jun yo'tan ay hich te bin ut'il choj.

Isaías 30:15

Como hich ya yal te Jehová te Ch'ul Dios yu'un Israel: Ta scuenta suhtesel-o'tanil soc cux-o'tanil yac ata acolelic; ta scuenta lamal-o'tanil soc smuc'ul-o'tanil yac ata awipic, xchi; pero ma ba la ac'anic.

Isaías 30:7

Como ma xtuhun soc tojol te coltayel yu'un Egipto, ha scuentahil te hich sbihil la jca'be: Rahab te mayuc bin ya spas, xchi.

2 Crónicas 20:17

Ma ba yac awa'beyic guerra ha'ex. Lahmana abahic ta tec'lej, ya me awilic te colel yu'un Jehová ta atojolic. Judá soc Jerusalén, ma me xiwex soc ma me xpehc'aj awo'tanic; bahan, tahahic pajel, como te Jehová ya me sjoquinex, xchi.

Éxodo 14:25

soc la sloq'uesbe yoc te carretahetic yu'unic, hich wocol behenic bahel. Ha yu'un hich la yalic te egipciohetic: Ahnucotic suhtel ta stojol te Israel, como te Jehová ya ya'be querra te egipciohetic ta scuentahic, xchihic.

Hebreos 11:34

la stup'ic te xpulet ta tihlel c'ahc', ma ba la yich'ic milel ta espada, a'bot yipic te c'alal lajem yipic a, tulan la ya'iyic tsalaw ta guerra, soc la snutsic bahel jyanlum soldadohetic.

Jueces 7:20

Ta yoxchahpalic la yoq'uesinic te xulubiletic soc la swuyic te q'uibetic, la stsaquic ta sq'uexam-c'abic te sc'ahq'uic soc ta swa'el-c'abic te xulubiletic te ya yoq'uesinic, soc hich awonic: ¡Ta scuenta te espada yu'un Jehová soc Gedeón! xchihic ta aw.

1 Reyes 20:20

Ta tuhlultuhl la smil te scontrahic. Te siriahetic loq'uic ta ahnel, nutsotic bahel yu'un Israel. Te Ben-adad ajwalil yu'un Siria, loc' ta ahnel ta cawu soc yantic soldadohetic te cajajtic ta cawu.

2 Crónicas 20:15

hich la yal: A'iya awa'iyic spisil Judá soc Jerusalén, soc ha'at, ajwalil Josafat. Hich ya yalbeyex te Jehová: Ma me xiwex soc ma me xnihc awo'tanic ta stojol te ipal soldadohetic, como ma awu'unicuc te guerra, ha yu'un Dios.