Jueces 7:20 - Bible in Tzeltal Bachajón

²⁰ Ta yoxchahpalic la yoq'uesinic te xulubiletic soc la swuyic te q'uibetic, la stsaquic ta sq'uexam-c'abic te sc'ahq'uic soc ta swa'el-c'abic te xulubiletic te ya yoq'uesinic, soc hich awonic: ¡Ta scuenta te espada yu'un Jehová soc Gedeón! xchihic ta aw.

Bible in Tzeltal de Oxchuc y Tenejapa

²⁰ Ta yoxchajbalic jun nax la yoq'uesinic te xulubil yich'ojic ta sc'abic, soc la swuyic te sq'uibique. Ta xq'uexen sc'abic la yich'ic bael te sc'ajq'uique, yan te xulubil ay ta swa'el sc'abic stuquel, soc awunic: “¡Guerra ta swenta Cajwaltic, soc ta swenta Gedeón!” xiic ta aw.

Jueces 7:20 Referans Kwoze

Isaías 27:13

Soc ta hich ora ya me yich' oq'uesinel muc'ul corneta, te mach'atic ch'ayemic ta sq'uinal Asiria, soc te mach'atic la yich'ic loq'uesel bahel ta Egipto, ya xtal sch'uhuntayic te Jehová ta ch'ul wits ta Jerusalén.

2 Corintios 4:7

Pero quich'ojcotic te c'uhlejalil ini ta vaso pasbil ta ahch'al, scuenta yu'un ya xchicnaj te ha nix yu'un Dios te yutsil yu'el, te ma cu'uncoticuc.

1 Corintios 15:52

jts'ihn nax, ta muhts' nax ta sitil, ta slajibal yoq'uel corneta, como ya yich' oq'uesinel corneta, te mach'atic chamenic mayuc sc'a'emal a ya xcha'cuxajtesotic tal, soc te ho'otic ya xc'atp'ujotic,

Josué 6:20

Ha yu'un awonic te pueblo, soc te sacerdotehetic la yoq'uesinic te xulubiletique. C'alal la ya'iybeyic yoq'uel xulubil te pueblo, buen tulan awonic, hich hemts'uj cohel te ts'ahque. Jujutuhl toj ochic bahel ta Jericó, hich la stsalic.

Josué 6:16

Ta shuquebal buelta, te c'alal la yoq'uesinic te xulubiletic te sacerdotehetic, te Josué la yalbe te pueblo: ¡awonanic, como te Jehová ya'beyejex te pueblohe!

Josué 6:4

Huctuhl sacerdotehetic ya yich'ic bahel huqueb xulub tat tuminchij, ha ya xnahilijic bahel yu'un te scaxahul te chapbil-c'op. Ta shuquebal c'ahc'al huqueb buelta ya me ajoyobtayic te pueblo, yac ta yoq'uesinel xulubiletic a te sacerdotehetique.

Hebreos 11:4

Ta scuenta sch'uhunel yo'tan te Abel c'ax hich yutsil a te milbil mahtanil la yac' te bin ut'il la yac' te Caín. Hich halbot sc'oblal te toj yo'tan, te bin ut'il Dios la yal te lec yo'tan yu'un te smahtan la yaq'ue. Aunque chamenix te Abel, ya to xc'opoj ta scuenta te sch'uhunel yo'tan.

1 Tesalonicenses 4:16

Ha nix te Cajwaltic ya xco talel ta ch'ulchan ta scuenta tulan aw ta mandar, soc sc'op jtsobaw ch'ul a'bat, soc te oq'uel yu'un te corneta yu'un Dios. Ha nahil ya xcha'cuxajic tal te mach'atic chamenic te ayic ta scuenta Cristo.

2 Pedro 1:15

Soc ya cac' fuersa te ayuc bin ut'il ya xhu' yac ana'ulanic spisil ora ha'i c'op ini te c'alal wayemix jbaq'uetal a.

Jueces 7:19

Hich te Gedeón soc te ho'winic (100) ta tuhl winiquetic sjoquinejic c'ohtic ta sti'il te campamento ta yorahil a te ya sjel sbahic ta j'ohlil ahc'abal te jcananetic. La yoq'uesinic te xulubiletic soc la swuyic te q'uibetic yich'ojic ta sc'abique.

Jueces 7:21

Te snich'nab Israel tey nix hilic a ta banti tec'ajtic ta sjoyobal te campamento, spisil te soldadohetic yu'un Madian awonic soc loq'uic ta ahnel.

1 Samuel 11:11

Ta schebal c'ahc'al te Saúl la yac' ta oxchahp te winiquetic. Ihc' to q'uinal a, ochic bahel ta yohlil te campamento yu'un te amonetic, hahch smilticlanic ha to c'alal ohlil c'ahc'al. Te mach'atic cuxajtic hilel, la spuc sbahic, mayuquix mach'a cheb sjoquinej hilel sbahic.

Jeremías 47:6

Ha'at espadahat yu'un Jehová, ¿bin ora yac acux awo'tan? ¡Cha'ochan ta ana, quechajan soc ch'aban!