Jueces 6:36 - Bible in Tzeltal Bachajón

³⁶ Te Gedeón hich la yalbe te Diose: Teme melel te yac acoltay Israel ta jcuenta, hich te bin ut'il la awal,

Bible in Tzeltal de Oxchuc y Tenejapa

³⁶ Te Gedeón la yalbey te Diose: —Teme melel te ya awabatinon ta scoltayel te jlumal te jich awalojbone,

Jueces 6:36 Referans Kwoze

Jueces 6:14

Te Jehová la yilbe sit, hich la yalbe: Bahan soc te awipe, coltaya te Israel ta sc'ab te madianetique. ¿Ma bal ho'ucon ya jticonat bahel? xchi.

San Mateo 16:1

Talic fariseohetic soc saduceohetic yu'un ya stsajic te Jesús. La sc'ambeyic te yacuc x'a'bot yilic seña talem ta ch'ulchan.

2 Reyes 20:9

La sjac' te Isaías: Ha seña yu'un Jehová ini te ya yac' ta na'el te ya spas te bin yaloj: ¿Ya bal ac'an te ya xnahilij bahel lajuncaj te axinal, o te ya suht ta spat lajuncaj? xchi.

Génesis 15:8

Hich la sjac' te Abram: Cajwal Jehová ¿bin ut'il ya jna' teme ya quich' te q'uinale? xchi.

Jueces 6:16

Te Jehová la yalbe: Ho'on ya joquinat ta mero melel, ya me atsal te madianetic hich te bin ut'il jtuhl winic, xchi sc'oblal.

Jueces 6:37

ilawil, ya cac' stsotsel tuminchij ta swuyojibal trigo; teme ha nax ay ts'ujul ta stsotsel, teme taquin te lum ta sjoyobal, tey ya jna' a te yac acoltay te Israel ta jcuenta, hich te bin ut'il la awale, xchi.

1 Samuel 14:10

Pero teme ya yalbotic: Mohanic talel, teme xchihique, ya xmohotic bahel, yu'un la ya'botiquix ta jc'abtic te Jehová; ha me seña cu'untic abi, xchi.

Isaías 7:11

C'ambeya seña te Jehová te Dios awu'un, chican teme ta sc'ubulil bahlumilal o ta stoyolil ch'ulchan, xchi.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.