Jueces 6:32 - Bible in Tzeltal Bachajón

³² Ha yu'un ta hich ora te Gedeón a'bot sbihilin Jerobaal, ha: Ac'a scoltay sba Baal ta stojol scontra, xchi c'ohem, yu'un la sjimbe te scajtajib ta chiq'uel mahtanil yu'une.

Bible in Tzeltal de Oxchuc y Tenejapa

³² Jich yu'un te Gedeón la yac'beyic sbiilin Jerobaal. Jich la yalic: “Ac'a scoltay sba Baal ta stojol te scontroe”, xiic, melel ja' nix te Gedeón la sjinbey scajtijib smajt'an te Baale.

Jueces 6:32 Referans Kwoze

1 Samuel 12:11

Ha yu'un te Jehová la sticombeyex te Jerobaal, Barac, Jefté soc Samuel, la scoltayex loq'uel ta sc'ab acontrahic te ay ta ajoyobalic; hich jun awo'tanic ayinex.

2 Samuel 11:21

¿Mach'a la smil te Abimelec te snich'an Jerobaal? ¿Ma bal jtuhluc ants te la sch'oj cohel tal jxeht' ye molino, te hich laj a ta Tebes? ¿Bin yu'un te c'ax nohpojex bahel ta ts'ahc? teme xchihe, hich me yac awalbe: Soc laj te awa'bat Urías te heteo-winic, xchihan me.

Jueces 7:1

Te Jerobaal, ha te Gedeón, soc spisil te mach'atic sjoquinej, sab hahchic soc baht spas scampamentohic ta sloq'uib-ha' yu'un Harod. Te campamento yu'un te madianetic hil ta stojol norte ta spamlej ta nopol te tsehl yu'un More.

Oseas 9:10

Hich la jta Israel te bin ut'il mach'a ya sta ts'usub ta jochol taq'uin q'uinal. C'alal la jquil te ame'atatic hich c'ohemic te bin ut'il sahbal sit higuera te nahil sitin. Pero c'alal c'ohtic ta Baal-Peor la sch'ultes sbahic ta stojol te bin q'uexlaltic sba, hich ihlaybil c'ohtic te bin ut'il te diosetic te c'ux ta yo'tanique.

Jeremías 11:13

Ha'at, Judá, hich yipal diosetic awu'un te bin ut'il pueblohetic awu'un; soc ha'at, Jerusalén, te scajtajib ta chiq'uel mahtaniletic yu'un q'uexlal te la apasic scuenta schic'beyel pom te Baal, hich yipalic te bin ut'il te callehetic awu'une.

Jueces 6:31

Pero te Joás hich la sjac'be sc'op spisil mach'atic tey ayic a: ¿Ya bal xc'opojex ta scuenta te Baal? ¿Ya bal acoltayic? Mach'ayuc a te ya xc'opoj yu'un te Baal, ac'a lajuc yo'tic ta sacubel q'uinal. Teme melel ha dios te Baal, ac'a scoltay sba stuquel ta stojol te mach'a jimbot te scajtajib ta chiq'uel mahtanil yu'une, xchi.

Jueces 8:35

Soc mayuc yutsil yo'tanic ta stojol te mach'atic ay yu'un te sna Jerobaal, ha te Gedeón, aunque bayel te bintic lec la spasbe te Israel.