Jueces 6:3 - Bible in Tzeltal Bachajón

³ Teme ay bin ts'umbil yu'un Israel, mohic tal ta contrahinel yu'un te madianetic, amalequetic soc te mach'atic talemic ta stojol banti ya xloc' tal c'ahc'al.

Bible in Tzeltal de Oxchuc y Tenejapa

³ Te israeletique ay nix bi sts'unojic, pero te madianetic, te amalequetic soc te mach'atic talemic ta stojol sloq'uib c'aal la yaiyic uts'inwanej.

Jueces 6:3 Referans Kwoze

Jueces 7:12

Te madianetic, amalequetic soc te mach'atic talemic ta stojol banti ya xloc' tal c'ahc'al spucoj sbahic ta spamlej hich te bin ut'il ipal c'ulubetic, soc te camellohetic yu'unic ma hu' ta ahtayel hich te bin ut'il shi'al sti'il mar.

Jueces 6:33

Spisil te madianetic, amalequetic soc te mach'atic talemic ta stojol banti ya xloc' tal c'ahc'al, junax la stsob sbahic, sohlic tal ta muc'ul-ha' Jordán, la spas scampamentohic ta spamlej yu'un Jezreel.

Jueces 3:13

Te ajwalil yu'un Moab la stsob tal sjoquin te snich'nab Amón soc Amalec, hich tal ya'beyic guerra te Israel, la yich'ic te pueblo yu'un xahnetic.

Job 1:3

Ay lajunwinic swaxaclajunbahc' (7,000) tuminchijetic, lajunwinic swaxacbahc' (3,000) camellohetic, ho'winic scha'bahc' (500) ta chahp j'a'tel-wacaxetic, ho'winic scha'bahc' (500) me' burrahetic soc bayel a'batetic yu'un. Ha te winic te c'ax hich muc' sc'oblal a te bin ut'il spisil te yantic ayic ta stojol banti ya xloc' tal c'ahc'al.

1 Reyes 4:30

C'ax hich sp'ijil yo'tan Salomón a te bin ut'il te mach'atic ayic ta stojol sloq'uib c'ahc'al soc spisil te sp'ijilic te egipciohetique.

Jueces 8:10

Te Zeba soc te Zalmuna ayic ta Carcor soc j'ohlil yoxbahc' scha'pic (15,000) ta tuhl soldadohetic, ha te mach'atic hilemic ta spisil te soldadohetic talemic ta stojol banti ya xloc' tal c'ahc'al, yu'un lajemiquix ho'lajunpic (120,000) soldadohetic.

Génesis 29:1

Behen xan bahel te Jacob, c'oht ta slumal te mach'atic ayic ta stojol banti ya xloc' tal c'ahc'al.

Miqueas 6:15

Yac awa'iy ts'umbajel, pero ma ba yac atsobe sit; yac apits' olivahetic, pero ma ba yac atuhumbe te aceite yu'une; yac apits' ta teq'uel te ts'usub, pero ma ba yac awuch'be te ya'lele.

Job 31:8

¡ac'a swe'bon yantic te bintic jts'unoj, ac'a yich' bulel te bintic ts'umbil cu'une!

Deuteronomio 28:51

Ya me swe'bat te yalatac achanabahlam soc te sit ats'unub-awawal ta aq'uinal, ha to c'alal ya xch'ayat bahel. Ma ba ya yihquitaybat hilel trigo o vino, aceite, o te yalatac wacaxetic, tuminchijetic o tentsunetic awu'un, ha to c'alal ya slajinat.

Levítico 26:16

hich me ya jpasbeyex ta atojolic: ya jticombeyex tal ta atojolic tulan xiwel, tulan chamel soc c'ahc' te ya sjin sitil soc te ya yac' pich'il-o'tanil. Tojol yac awa'iyic ts'umbajel, yu'un ha ya swe'ic te acontrahique.

Jueces 6:2

Te bin ut'il behbe tohyel swocolic yu'un Madián, te snich'nab Israel la spasic banti la snac' sbahic ta witsiltic, ch'entiquil soc ahnibaletic ta scaj te la xi'ic te madianetique.

Jueces 6:4

La spas scampamentohic ta stojol te israeletic soc la slajimbeyic sit sts'unub-yawalic c'alal ta Gaza. Mayuc we'elil hil yu'unic ta Israel, o tuminchijetic, wacaxetic o burrohetic.

1 Reyes 20:27

Hich nix te snich'nab Israel la yich'ic stsobel, a'botic bintic ya xtuhun yu'unic, baht sta sbahic soc. La spas scampamentohic ta stojol te siriahetic, hich yilelic te bin ut'il cha'tsohb tentsunetic, yan te siriahetic la snojesic te q'uinale.

Isaías 62:8

Te Jehová, ta scuenta swa'el sc'ab te ay bayel yu'el, hich la yal ta jamal: Ma ba ya caq'uix te ha swe'el acontratac ya xc'oht te trigo awu'un, soc te jyanlumetic te ya yuch'beyic te vino te ha sit te awa'tele;

Ezequiel 25:4

ha yu'un ya cac' yu'untayat te mach'atic ayic ta stojol sloq'uib c'ahc'al. Ya me spasticlan scampamento soc ya me schahpanic te nahilpac' yu'unic ta awohlilic; ya me swe'beyex te sit awal-ts'unubil awu'unic soc ya me yuch'beyex te leche awu'unique.

Génesis 25:6

Yan te yalatac te yan antsetic yu'un, la yac'ticlambe smahtanic. Pero te c'alal cuxul to a te Abraham la sticonlan loq'uel ta stojol Isaac, la sticonlan bahel ta q'uinal ta stojol banti ya xloc' tal c'ahc'al.

Éxodo 17:8

Te Amalec tal ya'be guerra te Israel ta Refidim.

Jueces 10:12

te mach'atic yu'un Sidón, Amalec soc Maón? Te c'alal awonex ta jtojol ¿ma bal lajuc jcoltayex loq'uel ta sc'abic?

1 Reyes 5:10

Hich te Hiram la ya'be te Salomón spisil te cedro soc ciprés te la sc'ane.

Isaías 11:14

ya x'anumajic bahel ta scontrahinel te filisteohetic ta smahlib c'ahc'al, soc ya spojbeyic sbiluquic te mach'atic ayic ta stojol sloq'uib c'ahc'al. Te Edom soc Moab ya me yac' sbahic ta a'batinel yu'unic, soc ya me xch'uhumbot sc'op yu'un te sts'umbal Amón.

Jeremías 49:28

Sc'oblal Cedar soc te ban c'alal scuentahinej Hazor, te tsalot yu'un Nabucodonosor ajwalil yu'un Babilonia. Hich yaloj te Jehová: Hahchanic, a'beyahic guerra te Cedar, soc lajinahic te mach'atic ayic ta stojol banti ya xloc' tal c'ahc'al.

Ezequiel 25:3

Hich me xawalbe te amonetic: A'iya awa'iyic te bin ya yal te Jehová, te Ajwalil: Te bin ut'il hich yac awal: ¡Lec ay! xchihat, te c'alal bohlob sc'oblal te ch'ul awilal cu'un, soc te c'alal jochol hil te sq'uinal Israel soc te chucot bahel te sna Judá;