Jueces 6:27 - Bible in Tzeltal Bachajón

²⁷ Ha yu'un te Gedeón la yic' bahel lajuntuhl a'batetic yu'un, baht spas te bin halbot yu'un Jehová. Pero la spas ta ahc'abal, yu'un la xi' te ya spas ta c'ahc'alel ta scaj te mach'atic ay yu'un te stat soc te winiquetic yu'un te pueblo.

Bible in Tzeltal de Oxchuc y Tenejapa

²⁷ Jich yu'un te Gedeón la yic' bael lajuntul abatetic yu'un, ba spas spisil te bit'il albot mandal yu'un te Cajwaltique. Ja' nax te ma c'aalelticuc la spas, ta ajc'ubal la spas, ja' la xi' te mach'atic ay yu'un te state soc te yajwal te lume.

Jueces 6:27 Referans Kwoze

1 Tesalonicenses 2:4

Hich ya xc'opojotcotic te bin ut'il mach'atic lec yo'tan Dios yu'un, te hich ac'ot ta jcuentacotic te lec yach'il c'ope. Ma ha'uc ya jc'ancotic te lec yo'tan cu'uncotic te ants-winiquetic, ha'uc me lec yo'tan cu'uncotic te Dios, te ya ya'iybotic co'tantic stuquel.

San Juan 2:5

Te snan la yalbe te a'batetic: Pasahic spisil te bin ya yalbeyex, xchi.

Deuteronomio 4:1

Yo'tic, Israel, a'iya me awa'iyic te bintic chapal soc te bintic halbil ta mandar te ya ca'beyex anopic, scuenta yu'un yac apasic soc ya xcuxajex, soc ya x'ochex bahel ta yu'untayel te q'uinal te ya ya'beyex te Jehová te Dios yu'un ame'atatique.

Gálatas 1:16

te ya ya'bon jna'be sba te Snich'an scuenta yu'un ho'on ya calbe sc'oblal ta yohlil te jyanlumetic, ma ba la joc'obe te mach'a ch'ich'-baq'uet,

San Juan 15:14

Jun me co'tan jbahtic teme yac apasic te bin ya calbeyexe.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

San Mateo 16:24

Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

Salmos 112:5

Lec ya xc'oht te mach'a soc sc'uxul yo'tan ya yac' ta majanel, te stojil ya spas te ya'tele.

Jueces 6:26

Pasa scajtajib ta chiq'uel mahtanil yu'un Jehová te Dios awu'un ta sba te ahnibal ini. Ic'a tal te schebal toro, a'beya scuenta scohtol chic'bil mahtanil, tuhuna scuenta si' te ste'el te sloc'ombahil Asera te yac ats'et, xchi.

Jueces 6:28

Ta sab, te c'alal hahchic te mach'atic ayic ta pueblo, jimbilix a te scajtajib ta chiq'uel mahtanil yu'un Baal soc ts'etbilix a te sloc'omba Asera te nopol ay tey a, soc ac'bilix a scuenta scohtol chic'bil mahtanil te schebal toro ta sba te scajtajib ta chiq'uel mahtanil te pasbilixe.