Jueces 6:19 - Bible in Tzeltal Bachajón

¹⁹ Hich te Gedeón baht schahpan tal jcoht tut tentsun soc panetic te ma ba yich'oj levadura te pasbilic ta jun efa yu'un harina, la yac' ta moch te ti'bal soc la yac' ta oxom te ya'lele, la yich' bahel, la ya'be ta ye'tal te jihte'.

Bible in Tzeltal de Oxchuc y Tenejapa

¹⁹ Te Gedeón bajt' ta xchajbanel tel jcojt' ch'in tentsun, soc jtab ta jp'is harina la spas ta pan te ma ba yich'oj levadura. La yac' bael ta moch te ti'bale. Te ya'lel la yac' bael ta oxom. La yich' bael spisil c'alal ta jijte'.

Jueces 6:19 Referans Kwoze

Levítico 2:4

C'alal yac awac' mahtanil harina te ta'ajem ta horno, ha me pimil pan te pasbil ta lequil harina te ma ba yich'oj levadura soc wots'bil ta aceite, o jayal pan ma ba yich'oj levadura te jaxbil nax ta aceite.

San Mateo 13:33

Ay yan sloc'ombahil c'op la yalbe ya'iyic: Te cuentahinel yu'un te ch'ulchan hich c'ohem te bin ut'il levadura te jtuhl ants la swots' soc oxp'is harina ha to c'alal la spajubtes spisil, xchi.

Génesis 18:5

Ya quich' tal jtebuc we'elil yu'un yac ata xan awipic a, patil ya xbahex; yu'un ha scuentahil te talex ta stojol te awa'bate, xchi. La sjaq'uic: Hichuc, pasa te bin la awale, xchihic.

Jueces 6:18

Awocoluc a, ma to me xbahat ha to teme ya suhton tal soc ya ca'bat ta atojol te mahtanil cu'un, xchi. Ya jmahliyat te ya suhtat tal, xchi te Jehová.

Jueces 6:20

Te ch'ul a'bat yu'un Dios hich la yalbe: Ich'a te ti'bal soc te panetic ma ba yich'ojic levadura, ac'a ta sba te muc'ul ton ini, soc mala tey a te ya'lel, xchi. Hich la spas te Gedeón.

Génesis 18:3

hich la yal: Tatic, teme ay yutsil awo'tan ta jtojol, awocoluc, ma xc'axat bahel ta stojol te awa'bate.

Jueces 13:20

Te c'alal tihl mohel c'ahc' ta stojol ch'ulchan ta scajtajib ta chiq'uel mahtanil, te Manoa soc te yihnam la yilic te mo bahel te ch'ul a'bat yu'un Jehová ta sc'ahc'al te scajtajib ta chiq'uel mahtanil; hich la spahcan sbahic ta lum.