Jueces 6:15 - Bible in Tzeltal Bachajón

¹⁵ La sjac' xan te Gedeón: Ay, cajwal, ¿bin ut'il ya xhu' ya jcoltay Israel te ho'one? Melel te mach'atic ay cu'un c'ax hich pobre a te bin ut'il te yantic ta Manasés, soc te ho'one mero xuton yu'un te mach'atic ayic ta sna te jtat, xchi.

Bible in Tzeltal de Oxchuc y Tenejapa

¹⁵ Te Gedeón la sjac' xan: —Ya jc'anbat xan perdón, cajwal. ¿Bit'il ya xba jcoltay te jlumale? Melel te jo'one sts'umbalon te mach'a mero ma'yuc bi ay cu'untic, c'ax jich te bit'il yantic sts'umbalic Manasés, soc jo'on mero xutilon yu'un te mach'atic ayic ta jna —xi'.

Jueces 6:15 Referans Kwoze

1 Samuel 9:21

La sjac' te Saúl: Pero ho'on sts'umbalon Benjamín, te ha mero tut c'ohem yu'un spisil ta chahp sts'umbal Israel. Soc te mach'atic ay cu'un ha te mero tut c'ohemic yu'un spisil ta chahp sts'umbal Benjamín. ¿Bin yu'unix a hiche te hich la awalbon? xchi.

Éxodo 3:11

Pero te Moisés la sjac'be te Diose: ¿Mach'ahon a te ya xbohon ta stojol faraón, te ya jloq'ues tal ta Egipto te snich'nab Israel? xchi.

Éxodo 4:10

Pero te Moisés la yalbe te Jehová: ¡Ay, Cajwal! Mayuc bin ora hu'em cu'un c'op ta lec, ni ta nahil to, ni ta ora ini te yacat ta c'op ta jtojol te awa'batone. Wocol ya xloc' jc'op soc ya schuc sba te cac', xchi.

Jeremías 1:6

Hich la jcal: ¡Ay, Cajwal Jehová! Ma jna' c'op, como queremon to, xchihon.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

1 Corintios 15:9

Te ho'one peq'uel ayon yu'un te yantic jpuc-c'opetic, ma snuhp'uc te jbihilinej jpuc-c'op, yu'un la jcuts'inlan te iglesia yu'un Dios.

San Lucas 1:34

Te María la sjoc'obe te ch'ul a'bat: ¿Bin ut'il ay a ini, como mayuc jmamalal? xchi.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

Jeremías 50:45

Ha yu'un a'iya awa'iyic te bin schapoj te Jehová ta stojol Babilonia, te bin snopoj te ya spasbe te mach'atic nahinemic ta Temán. Ya me stasic bahel te tut tuminchijetic yu'un te jtsohb tuminchijetic, pajal ya slajinic soc te yaxal aquiltic yu'unique.

1 Samuel 18:23

Te a'batetic yu'un Saúl hich baht yalbeyic ya'iy te David. La yal te David: ¿Ya bal acuyic te mayuc sc'oblal te mach'a ya snihalin te ajwalil, te bin ut'il pobrehon soc te mayuc jc'oblal? xchi.

Génesis 32:10

¡peq'uel ayon ya ca'iy yu'un spisil te c'uxultayel awu'un soc te stalel jun awo'tan ta stojol te a'bat awu'une! Ha nax quich'oj jnahbate' te c'alal c'axon bahel ta muc'ul-ha' Jordán, yo'tic cha'tsohb loq'uemonix a.

Jueces 6:11

Hich te ch'ul a'bat yu'un Jehová tal shuhcan sba ta ye'tal jihte' te ay ta Ofra, te ha yu'un Joás te abiezer-winic. Te Gedeón, ha te snich'an, yac ta smajel trigo ta sp'e'ojibal ts'usub scuenta yu'un ya snac' sba ta stojol te madianetique.