Jueces 6:13 - Bible in Tzeltal Bachajón

¹³ La sjac' te Gedeón: Ay, cajwal, teme sjoquinejotcotic te Jehová, ¿bin yu'un te hich yac ta c'ohel ta pasel ta jtojolcotic spisil ini? ¿Banti ay spisil te jchahp a'teliletic te la yalbotcotic sc'oblal te jme'jtatcotic, te hich la yalic: Ha la sloq'uesotic tal ta Egipto te Jehová, te xchihique? Pero te Jehová la yihquitayotiquix hilel soc la yac'otiquix ta sc'ab te madianetique, xchi.

Bible in Tzeltal de Oxchuc y Tenejapa

¹³ Te Gedeón la sjac': —Pasbon perdón, cajwal, te yu'unuc joinejticuc te Cajwaltic, ¿bistuc yac ta c'axel jwocoltic? ¿Banti ay spisil te jchajp at'eliletic yu'un, te la yalbotic sc'oplal te antiguo jme'-jtatique, te la sloq'uesotic tel ta Egipto a? Pero te Cajwaltic la yijq'uitayotiquix jilel, la yac'otiquix ta sc'ab te madianetique —xi'.

Jueces 6:13 Referans Kwoze

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

Salmos 44:1

Dios cu'un, ca'iyej ta jchiquincotic, la yalbotcotic te me'iltatiletic cu'uncotic te bin la apas te c'alal cuxulic a, ha te bin la apas ta namey.

Isaías 63:15

Ilawil c'alal ta ch'ulchan, c'alal ta ch'ul yutsil awilal te banti nahinemat. ¿Banti ay te xut'et awo'tan soc te awu'el, te yac ana' yo'bolil jbahtic soc te yac ac'uxultayotcotique? ¿Yu'un bal mayuc ta jtojolcotic?

Isaías 41:17

Te pobrehetic soc te mach'atic mayuc bin ay yu'unic ya slehic ha', pero ma ba ya stahic; c'ax taquij yehic yu'un. Pero ho'on te Jehovahon ya jac'be sc'opic; ho'on te Dioson yu'un Israel ma ba ya jpihtes.

Salmos 89:49

Cajwal, ¿banti ay te sc'uxul awo'tan te ay ta namey, te hich la awalbe ta jamal te David ta scuenta te stalel jun awo'tan?

Deuteronomio 31:17

Ha yorahil a te ya xtihl hahchel sc'ahc'al co'tan ta stojolic; ya me jch'ayic ta co'tan, ya jnac' jsit ta stojolic, hich me ya xlajic. Ya me xtal bayel swocolic soc mel-o'tan ta stojolic, ha me yorahil a te hich ya yalic: ¿Ma bal ha'uc yacon ta wocol yu'un te ma ba sjoquinejonix te Dios cu'un? xchihic.

Génesis 25:22

La yuts'in sbahic te cheb alaletic ta sch'uht, hich la yal te Rebeca: ¿Teme hich ay, bistuc cuxulon? xchi. Ha yu'un baht sjoc'obe te Jehová.

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

Jeremías 23:33

Te pueblo ini, o jtuhl jalwanej, o jtuhl sacerdote teme hich ya sjoc'obat: ¿Bin a te sc'op-jalwanej yu'un te Jehová? teme xchihe, hich xawalbe: Hich ay te sc'op-jalwanej: Ya quihquitayex hilel, xchi te Jehová.

Salmos 27:9

¡Ma me xanac' asit awelaw ta jtojol! ¡Ma me socuc awilimba yac ach'ay ta awo'tan te a'bat awu'un, ha'at jcoltaywanejat cu'un! Ma me xawihquitayon soc ma me xapihteson hilel, ha'at Diosat yu'un te jcolele.

Deuteronomio 29:24

Spisil te nacionetic hich me ya yalic: ¿Bin yu'un te hich pasbot yu'un Jehová te q'uinal ini? ¿Bin scuentahil te tihl hahchel te tulan ilimba ini? xchihic.

Jueces 6:1

Te snich'nab Israel la spasic te bin chopol ta stojol Jehová. Ha yu'un te Jehová la ya'be ta sc'ab Madián huqueb ha'bil.

Jueces 6:12

Te ch'ul a'bat yu'un Jehová la yac' sba ta ilel ta stojol, hich la yalbe: Sjoquinejat te Jehová, ha'at te tulan winicat soc te ay yip awo'tan, xchi.

Salmos 44:9

Pero yo'tic la ach'ojotiquix loq'uel ta atojol, la awac'otiquix ta q'uexlal. Ma ba ya xloc'atix ta guerra soc te soldadohetic cu'uncotique.

Salmos 44:2

Ha'at ta ac'ab la atenticlan loq'uel te nacionetic soc la ats'un tey a te me'iltatiletique; la awa'be swocol te pueblohetic, yan te jme'jtatcotic la awac' te lec ya xc'ohtic.

Isaías 63:11

Pero la sna'ic bin ut'il ayic ta namey, ha te Moisés soc te pueblo yu'une, hich la yalic: ¿Banti ay te mach'a la yic'ticlan c'axel ta mar soc te jcanantaywanej yu'un te tuminchijetic yu'une? ¿Banti ay te mach'a la yac' te ch'ul espíritu yu'un ta yohlilic,