Jueces 6:12 - Bible in Tzeltal Bachajón

¹² Te ch'ul a'bat yu'un Jehová la yac' sba ta ilel ta stojol, hich la yalbe: Sjoquinejat te Jehová, ha'at te tulan winicat soc te ay yip awo'tan, xchi.

Bible in Tzeltal de Oxchuc y Tenejapa

¹² Te ch'ul abat yu'un Cajwaltic la yac' sba ta ilel ta stojol Gedeón, jich la yalbey: —Sjoinejat te Cajwaltique, te tulan winicat soc te ma xiwate —xi'.

Jueces 6:12 Referans Kwoze

San Lucas 1:28

Te ch'ul a'bat och bahel ta banti ay te ach'ix, hich la yal: ¡Ya jpatbat awo'tan, ha'at te c'uxultaybilat yu'un Dios! Sjoquinejat te Cajwaltic, bayel awutsil ta yohlil te antsetique, xchi.

Josué 1:5

Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

Jueces 2:18

Te c'alal ya yac' chicnajuc juecetic te Jehová, joquimbil yu'un Jehová te juez, soc ya scoltay loq'uel ta sc'ab scontrahic te jayeb c'ahc'al cuxul te juez; como te Jehová ya sna'be yo'bolil sbahic c'alal ya ya'iybe yacanic yu'un te mach'atic uts'inotic soc te a'botic swocolic yu'une.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

San Lucas 1:11

Chicnaj ta stojol Zacarías ch'ul a'bat yu'un te Cajwaltic, teq'uel ta wa'el ta schic'ojibal pom.

Jueces 13:3

Chicnaj ch'ul a'bat yu'un Jehová ta stojol te ants, hich la yalbe: Te ha'ate, jma'alat, mayuc ayinem awal; pero ya me xhahch awal, ya me x'ayin aquerem-al.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

Rut 2:4

Ha yorahil a te loc' tal ta Belén te Booz, hich la yalbe te j'a'teletic yu'une: Ac'a sjoquinex te Jehová, xchi. Ac'a ya'bat bendición te Jehová, xchihic.

Jueces 6:11

Hich te ch'ul a'bat yu'un Jehová tal shuhcan sba ta ye'tal jihte' te ay ta Ofra, te ha yu'un Joás te abiezer-winic. Te Gedeón, ha te snich'an, yac ta smajel trigo ta sp'e'ojibal ts'usub scuenta yu'un ya snac' sba ta stojol te madianetique.

Jueces 6:13

La sjac' te Gedeón: Ay, cajwal, teme sjoquinejotcotic te Jehová, ¿bin yu'un te hich yac ta c'ohel ta pasel ta jtojolcotic spisil ini? ¿Banti ay spisil te jchahp a'teliletic te la yalbotcotic sc'oblal te jme'jtatcotic, te hich la yalic: Ha la sloq'uesotic tal ta Egipto te Jehová, te xchihique? Pero te Jehová la yihquitayotiquix hilel soc la yac'otiquix ta sc'ab te madianetique, xchi.

1 Samuel 10:7

Te c'alal c'ohemix ta pasel ta atojol a te señahiletic ini, pasa te bin ya sc'an awo'tan, yu'un sjoquinejat te Diose.

Deuteronomio 20:1

Te c'alal ya xloc'at ta ya'beyel guerra te acontrahic, teme yac awil cawuhetic soc carretahetic, soc jun pueblo te c'ax hich smuc'ul a te bin ut'il te ha'ate, ma me xaxi', como ha sjoquinejat te Jehová te Dios awu'un, ha te la sloq'uesat tal ta sq'uinal Egipto.

Jueces 11:1

Te Jefté te talem ta Galaad, ha tulan winic soc ay yip yo'tan. Ha yal jtuhl j'antsinel-ants soc ha stat te Galaad sbihil.