Jueces 5:8 - Bible in Tzeltal Bachajón

⁸ C'alal la stsahic yantic diosetic, hulix guerra a ta yochibal te pueblohetic; ma ba chicnaj mahquilal o lanza ta yohlil ho'pic (40,000) ta tuhl ta Israel.

Bible in Tzeltal de Oxchuc y Tenejapa

⁸ “C'alal la stsaic yantic diosetic, ay guerra ta sti'il te lume; pero ma'yuc bay chicnaj smajq'uil sbaq'uetalic soc ni junuc lanza ta yolil te cha'winic ta jmil (40,000) te israeletique.

Jueces 5:8 Referans Kwoze

Jueces 2:17

Pero ma ba la yich'ic ta cuenta te juecetic yu'unic, la st'unic bahel yantic diosetic, te ha la sch'uhuntayic. Ora nax la yihquitayic hilel te be banti behenic te sme'static te la sch'uhumbeyic te mandariletic yu'un Jehová; yan stuquelic ma hichuc la spasic.

Jueces 2:12

La yihquitayic te Jehová te Dios yu'un te sme'static te loq'uesotic tal yu'un ta sq'uinal Egipto, la st'unic bahel yantic diosetic yu'un te pueblohetic te ayic ta sjoyobalic; la squejan sbahic ta stojolic, hich la shachbeyic yilimba te Jehová.

Jueces 4:3

Ha yu'un te snich'nab Israel awonic ta stojol Jehová, como te Jabín ay ho'winic yoxbahc' (900) carretahetic yu'un te pasbilic ta taq'uin soc ay jtahb (20) ha'bil te la ya'be tulan swocol te snich'nab Israel.

Jueces 5:7

Jochol hilic te tut pueblohetic ta Israel, pehc'ajic ha to c'alal hahchon ho'on, Deborahon, hahchon scuenta snan Israel.

Jueces 5:11

Namal ta banti ay sc'op te j'ac'-t'ihmalte'etic, ta yohlil te yuch'ojibal-ha' chambahlametic, tey ya sc'ayojtayic a te tsalaw yu'un Jehová, te tsalaw yu'un te tut pueblohetic yu'un ta Israel. Hich te pueblo yu'un Jehová ya xbehen bahel ta stojol te yochibal te pueblo.

Jeremías 19:4

como la yihquitayonic soc yan c'oht yu'unic a te lugar ini te bin ut'il la schic'beyic pom yan diosetic te ma ba sna'beyejic sba, ni ha'uc te sme'static o te ajwaliletic yu'un Judá; soc te lugar ini la snojesic ta sch'ich'el te mach'atic mayuc smulique.