Jueces 5:30 - Bible in Tzeltal Bachajón

³⁰ ¿Ma bal ha'uc la stahic pojbil biluquetic soc yaquic ta spucticlanel? ha jtuhl o cha'tuhl ach'ix yu'un te jujutuhle; yu'un Sísara te bombil paq'uetic, bombil paq'uetic te ch'albilic ta ts'isel; te bombil paq'uetic ch'albilic ta ts'isel ta jehch ta jehch, yu'un snehquelic te jtsalawetique, xchi.

Bible in Tzeltal de Oxchuc y Tenejapa

³⁰ ‘Puersa ja' yac ta spucbel sbaic te bitic la staic tel ta guerra. Ay jtul criada ta swenta juju-jtul soldado, o teme cheb criadaetic; ta swenta Sísara: bonbil paq'uetic, ay jlijc' pac', o teme cha'lijq'ue, ch'albil ta ts'isel soc tsobol sbonil, ja' yu'un snejq'uel te jtsalwaneje’, xi' te sme' Sísarae.

Jueces 5:30 Referans Kwoze

Éxodo 15:9

Te jcontrahinwanej hich la yal: Ya jnuts bahel, ya jtsac; ya jpuc bahel te bintic pojbil, tic' ya xc'ax co'tan a. Ya jloq'ues te espada cu'un, ya jlajinlan ta jc'ab, xchi.

Salmos 45:14

Ch'albil ta ts'isel te sc'u' slapoj a ya x'ic'ot bahel ta stojol te ajwalil; t'umbil bahel yu'un ach'ixetic te ha smohloltac, ya me yich'ic iq'uel tal ta atojol.

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

2 Samuel 13:18

Te a'bat la sten loq'uel, la smac hilel te puerta. Te Tamar slapoj buen t'ujbil nahtil-c'u'ul, ha c'u'ul te ya slapic te yantsil-nich'an ajwalil te ach'ix to.

Génesis 37:3

Te Israel c'ax hich c'ux ta yo'tan a te José te bin ut'il te yantic snich'nab, yu'un mamalix a te ayine. La spasbe smuc'ul-c'u' te bayel sch'ahlel.

Jueces 5:19

Tal ta yaq'uel guerra ajwaliletic; te ajwaliletic yu'un Canaán talic ta yaq'uel guerra ta Taanac ta nopol ha'etic yu'un Meguido, pero mayuc taq'uin la stahic.

Jueces 5:29

Ya sjaq'uic te p'ijil antsetic yu'un, soc ha nix ya suhtbe sba sc'op:

Salmos 68:12

Ahnic bahel ajwaliletic soc te soldadohetic yu'unic, xchihic, soc te antsetic te hilic ta snahic la spuquic te bintic pojbile.

Proverbios 16:19

Ha lec xan te peq'uel yo'tan ta yohlil te pobrehetic te bin ut'il spuquel bintic pojbil ta stojol mach'atic jtoybahetique.

Éxodo 27:16

Te yochibal te amac' jtahb xuhc'ubil te pac' pasbil ta yax, chi'in-yax soc tsajal estambre soc ts'otbil lino, ha ya'tel te mach'a ya sna' sts'isel. Ay chaneb yoyal soc chaneb scajtajib.

Isaías 9:2

Te pueblo te behen ta yihc'al q'uinal la yiliquix muc'ul sacal q'uinal; te mach'atic nahinemic ta q'uinal yu'un yaxinal lajel, tihl sacal q'uinal ta stojolic.