Jueces 5:23 - Bible in Tzeltal Bachajón

²³ ¡C'ambeyahic chopol c'oblalil te Meroz! xchi te ch'ul a'bat yu'un Jehová, c'ambeyahic tulan chopol c'oblalil te mach'atic nahinemic tey a, xchi; como ma ba tal scoltayic te Jehová, ma ba tal scoltay Jehová ta scontrahinel te mach'atic ay yipique.

Bible in Tzeltal de Oxchuc y Tenejapa

²³ Te ch'ul abat yu'un Cajwalticjich ya yal: ‘Ac'a bolobuc sc'oplal te lum Meroz soc ants-winiquetic’, xi'; melel ma ba talic ta coltaywanej jich bit'il te mach'atic tulanique, ma ba tal scoltay te Cajwaltique.

Jueces 5:23 Referans Kwoze

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

1 Corintios 16:22

Te mach'a ma ba c'ux ya ya'iy ta yo'tan te Cajwaltic Jesucristo, ihlaybil me ac'a c'ohtuc. Talelix te Cajwaltique.

1 Corintios 3:9

Como te ho'otcotic joc jbahcotic ta a'tel soc Dios; te ha'exe sts'unubex Dios, ha snahex Dios.

Romanos 15:18

como mayuc yan bin ya cal, ha nax ya cal te bin la spas Cristo ta jcuenta, yu'un ya sch'uhunic mandar te jyanlumetique. Hich la jpas ta scuenta te jc'op soc te ca'tel,

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

Jeremías 48:10

¡Ma me lecuc sc'oblal te mach'a ma ba jun yo'tan ya spasbe ya'tel te Jehová! ¡Ma me lecuc sc'oblal te mach'a ya scom ta smalel ch'ich' te espada yu'une!

Nehemías 3:5

Tey nix ta sts'ehl a'tejic te mach'atic yu'un Tecoa, pero te mach'atic ich'bilic ta muc' yu'unic ma ba la scoltayic ta a'tel te jcuentahinej a'tel yu'unique.

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.

1 Samuel 18:17

Ha yu'un te Saúl hich la yalbe te David: Ilawil, ya ca'bat awic' te cantsil-nich'an Merab, ha te wixil, teme ay yip awo'tan soc teme ya xbahat ta guerra yu'un Jehová, xchi. Como la yal ta yo'tan: Ma ho'ucon ya jmil, ha ac'a milec yu'un te filisteohetic, xchi.

1 Samuel 17:47

Soc ya me sna' spisil te pueblo ini te Jehová ma xcoltaywan ta espada o ta lanza; como ha yu'un Jehová te guerra, ha ya yaq'uex ta jc'abcotic, xchi.

Jueces 13:3

Chicnaj ch'ul a'bat yu'un Jehová ta stojol te ants, hich la yalbe: Te ha'ate, jma'alat, mayuc ayinem awal; pero ya me xhahch awal, ya me x'ayin aquerem-al.

Jueces 6:11

Hich te ch'ul a'bat yu'un Jehová tal shuhcan sba ta ye'tal jihte' te ay ta Ofra, te ha yu'un Joás te abiezer-winic. Te Gedeón, ha te snich'an, yac ta smajel trigo ta sp'e'ojibal ts'usub scuenta yu'un ya snac' sba ta stojol te madianetique.

Jueces 4:6

Te Débora la sticon ta iq'uel tal jtuhl winic Barac snich'an Abinoam te ay ta Cedes ta Neftalí, hich la yalbe: Hich ya spasat ta mandar te Jehová te Dios yu'un Israel: Bahan, tsoba te winiquetic awu'un ta wits Tabor, ac'a sjoquinat bahel jpic soc ho'bahc' (10,000) ta tuhl yu'un te jchahp yu'un Neftalí soc te jchahp yu'un Zabulón.

Jueces 2:1

Te ch'ul a'bat yu'un Jehová loc' tal ta Gilgal, baht ta Boquim, hich la yal: Ho'on la jloq'uesex tal ta Egipto soc la jquiq'uex tal ta q'uinal te la jcalbe ta jamal te ame'atatic te ya ca'be, hich la jcalbe: Mayuc bin ora ya jlajimbe sc'oblal te chapbil-c'op cu'un ta atojolic;

Jueces 5:13

Hich cohic tal te mach'a hilemic yu'un te mach'a ich'bilic ta muc'; te pueblo yu'un Jehová behenic bahel ta scuenta, ta scontrahinel te mach'atic ay yipique.

Jueces 21:5

Hich la sjoc'oyic: Ta spisil te jchahpalchahp Israel ¿mach'atic a te ma ba c'ohtic ta tsoblej ta stojol Jehová? xchihic. Yu'un jc'axel yalojiquix ta jamal te mach'a ma ba ya xc'oht ta stojol Jehová ta Mizpa, ya me xlaj.

Jueces 8:5

Hich la yalbe te winiquetic yu'un Sucot: Awocoluc, a'beyahic jtebuc pan te mach'atic st'unojonic tal, yu'un mero luhbeniquix, te ho'on yacon ta snutsel bahel te Zeba soc Zalmuna, te ajwaliletic yu'un Madián, xchi.

Jueces 8:6

Te príncipaletic yu'un Sucot hich la sjaq'uic: ¿Ayic balix ta ac'ab te Zeba soc Zalmuna yu'un ya ca'becotic swe'elic te soldadohetic awu'une? xchihic.

Jueces 8:8

Hich loc' bahel tey a, mo bahel ta Peniel, hich nix la yalbe. Te mach'atic ayic ta Peniel hich nix la yalic te bin ut'il la yalic te mach'atic ayic ta Sucot.

Jueces 21:8

Soc hich la sjoc'oyic: ¿Ay bal jchahp yu'un Israel te ma ba c'oht ta stojol Jehová ta Mizpa? xchihic. Chicnaj te mayuc jtuhluc yu'un te Jabes-galaad te talem ta campamento yu'un te tsoblej.

Salmos 94:16

¿Mach'a ya xhahch ta scontrahinel ta jcuenta te mach'atic chopolic? ¿Mach'a ya sjoquinon ta scontrahinel te mach'atic ya spasic bin chopole?