Jueces 5:19 - Bible in Tzeltal Bachajón

¹⁹ Tal ta yaq'uel guerra ajwaliletic; te ajwaliletic yu'un Canaán talic ta yaq'uel guerra ta Taanac ta nopol ha'etic yu'un Meguido, pero mayuc taq'uin la stahic.

Bible in Tzeltal de Oxchuc y Tenejapa

¹⁹ “Te ajwaliletic talic ta lum Taanac, ta sts'eel ja'etic yu'un Meguido; ja' te ajwaliletic cananeoetic talic yu'un ya yaq'uic guerra; ja'uc me to, ma'yuc la staic plata ni sc'ulejalic.

Jueces 5:19 Referans Kwoze

Jueces 5:30

¿Ma bal ha'uc la stahic pojbil biluquetic soc yaquic ta spucticlanel? ha jtuhl o cha'tuhl ach'ix yu'un te jujutuhle; yu'un Sísara te bombil paq'uetic, bombil paq'uetic te ch'albilic ta ts'isel; te bombil paq'uetic ch'albilic ta ts'isel ta jehch ta jehch, yu'un snehquelic te jtsalawetique, xchi.

Jueces 1:27

Te Manasés ma ba la sten loq'uel te mach'atic ayic ta Bet-seán, Taanac, Dor, Ibleam o Meguido soc te tut pueblohetic yu'unique; te cananeohetic la yaq'uic fuersa te ya xnahinic xan tey a.

1 Reyes 4:12

Baana snich'an Ahilud, ta Taanac, Meguido, soc spisil Bet-seán te slac'oj sba soc Saretán ta ye'tal xan yu'un Jezreel, c'alal Bet-seán ha to ta Abel-mehola, c'alal ta jehch Jocmeam;

Apocalipsis 19:19

La jquil te chambahlam te xiweltic sba soc te ajwaliletic ayic ta bahlumilal soc spisil te soldadohetic yu'unic, stsoboj sbahic yu'un ya ya'beyic guerra te mach'a cajal ta cawu soc te soldadohetic yu'une.

Salmos 44:12

C'ax peq'uel la achon te pueblo awu'un, ¡mayuc bin loc' awu'un a!

Jueces 4:13

la stsob spisil te carretahetic yu'un, ha ho'winic yoxbahc' (900) carretahetic pasbilic ta taq'uin, soc la stsob spisil te winiquetic te sjoquinej, c'alal Haroset-goim ha to ta uc'um Cisón.

Génesis 14:22

Pero te Abram la sjac'be sc'op te ajwalil yu'un Sodoma: Jc'axel calojix ta jamal ta stojol Jehová te Dios te mero toyol ay, te la spas te ch'ulchan soc te bahlumilal,

Génesis 4:16

Hich loc' ta stojol Dios te Caín, baht ta nahinel ta sq'uinal Nod te ay ta stojol banti ya xloc' tal c'ahc'al yu'un Edén.

Apocalipsis 16:16

Hich la stsobic tal te ajwaliletic ta jun lugar Armagedón sbihil ta hebreo.

2 Reyes 23:29

Ta hich ora te faraón Necao ajwalil yu'un Egipto mo bahel ta muc'ul-ha' Éufrates ta ya'beyel guerra te ajwalil yu'un Asiria. Te ajwalil Josías loc' tal ta a'beyel guerra; pero te Necao, c'alal la yil te Josías, la smil ta Meguido.

2 Crónicas 35:22

Pero te Josías ma ba suht bahel, la syanijtes sba ta ya'beyel guerra; ma ba la yich' ta cuenta te bin la yal te Necao, te ha nix sc'op a te Diose. Tal ya'be guerra ta spamlej yu'un Meguido.

Josué 12:21

Taanac, Meguido,

Josué 17:11

Soc te Manasés ay tut pueblohetic yu'un ta sq'uinal Isacar soc Aser, ha te Bet-seán, Ibleam, te mach'atic nahinemic ta Dor, Endor, Taanac soc Meguido, soc te tut pueblohetic yu'unique; oxsehp q'uinal.