Jueces 5:15 - Bible in Tzeltal Bachajón

¹⁵ Ha nix hich la sjoquinic Débora te jtsobawetic yu'un Isacar; te Isacar jun yac'oj sba soc Barac, ahnimal la st'un bahel ta spamlej. Ta yohlil te jujuchahp sna Rubén ay bayel bintic la snop ta yo'tanic.

Bible in Tzeltal de Oxchuc y Tenejapa

¹⁵ Ja' nix jich la sjoinic tel Débora te jtsobwanejetic yu'un Isacar. Te Isacar ja' yiptajib c'ot te Barac, melel la sts'aclinic bael ta bay spamlej. “Teme ay muc'ul winiquetic ta yolil te tsojboltsojp soldadoetic yu'un Rubén te ay yip yo'tanic,

Jueces 5:15 Referans Kwoze

Jueces 4:14

Ha yu'un te Débora la yalbe te Barac: Hahchan, como ha'i c'ahc'al ini te Jehová la ya'batix ta ac'ab te Sísara. Nahilijem bahel awu'un te Jehová, xchi. Hich te Barac co tal ta wits Tabor soc te jpic soc ho'bahc' (10,000) winiquetic te t'umbil yu'une.

2 Corintios 11:2

como xut'et co'tan ya ca'iy ta atojolic ta scuenta Dios. Jtuhl nax mach'a la jcac' yiq'uex, ha te Cristo, scuenta yu'un ya caq'uex ta stojol hich te bin ut'il ach'ix te mayuc mulil ta scuenta.

Hechos 20:13

Te ho'otcotic nahil bohotcotic ta barco ta Asón ta banti la jquic'cotic te Pablo, como yaloj te ya sc'an ya xbehen ta yoc.

Hechos 15:39

Hahch tulan c'op yu'unic ta schebalic, hich la spit sbahic; te Bernabé la yic' bahel te Marcos, baht soc ta Chipre ta barco,

Proverbios 22:13

Hich ya yal te mach'a ch'aj: ¡Ay choj ta fuera! ¡Ya xlajon ta calle! xchi.

1 Crónicas 12:32

Te sts'umbal Isacar, lajunwinic (200) ta tuhl príncipaletic te ya sna'ic stsahtaybeyel yorahil soc ya sna'ic bin ya sc'an ya spas te Israel, spisil te yermanotac ch'uhumbil mandar yu'unic.

Jueces 4:10

Te Barac tey la stsob tal te jchahp yu'un Zabulón soc yu'un Neftalí. Mo bahel soc te jpic soc ho'bahc' (10,000) ta tuhl winiquetic te ayic ta scuenta, soc joquinot bahel yu'un te Débora.

Jueces 4:6

Te Débora la sticon ta iq'uel tal jtuhl winic Barac snich'an Abinoam te ay ta Cedes ta Neftalí, hich la yalbe: Hich ya spasat ta mandar te Jehová te Dios yu'un Israel: Bahan, tsoba te winiquetic awu'un ta wits Tabor, ac'a sjoquinat bahel jpic soc ho'bahc' (10,000) ta tuhl yu'un te jchahp yu'un Neftalí soc te jchahp yu'un Zabulón.

Jueces 5:16

¿Bin yu'un te hilic ta corraletic ta ya'iybeyel yiq'uel te tuminchijetique? Ta yohlil te jujuchahp sna Rubén ay bayel stsahtayel yo'tanic.

Génesis 35:23

Te yalatac te Lea: ha Rubén te sba snich'an te Jacob, soc Simeón, Leví, Judá, Isacar soc Zabulón.