Jueces 4:3 - Bible in Tzeltal Bachajón

³ Ha yu'un te snich'nab Israel awonic ta stojol Jehová, como te Jabín ay ho'winic yoxbahc' (900) carretahetic yu'un te pasbilic ta taq'uin soc ay jtahb (20) ha'bil te la ya'be tulan swocol te snich'nab Israel.

Bible in Tzeltal de Oxchuc y Tenejapa

³ Te Jabín ay jo'winic yoxbajc' (900) carreta-taq'uinetic yu'un. Jtab ja'wil la yac'bey buen tulan woclajel te israeletic, ja' to c'alal la yalbeyic wocol te Cajwaltic te yacuc xcoltayotic yu'une.

Jueces 4:3 Referans Kwoze

Jueces 1:19

Te Jehová la sjoquin te Judá, te ha la yu'untayic te witsiltic, pero ma ba hu' yu'unic stenel loq'uel te mach'atic nahinemic ta spamlej, yu'un ay scarretahetic yu'un guerra pasbilic ta taq'uin.

Salmos 106:42

Uts'inotic yu'un te scontratac soc pehc'anotic ta scuenta te yipique.

Jueces 3:9

Ha yu'un te snich'nab Israel awonic ta stojol Jehová, hich la slehbe jtuhl jcoltaywanej yu'un te snich'nab Israel te la scoltay, ha te Otoniel snich'an Cenaz, te yihts'in Caleb.

Salmos 78:34

Te c'alal ac'otic ta lajel yu'un Dios, hich hahch slehic, suhtic ta stojol, spisil yo'tanic la scha'lehic xan.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

1 Samuel 7:8

Ha yu'un hich la yalbeyic te Samuel: Ma me xquehchajat ta c'op ta stojol Jehová te Dios cu'untic, te yacuc scanantayotic te ma ba ya x'ochotic ta sc'ab te filisteohetique, xchihic.

Jueces 10:16

Hich la sloq'uesic te yantic diosetic, la yac' sbahic ta a'batinel yu'un te Jehová. C'ux la ya'iy te Jehová te ay swocol te Israel.

Jueces 5:8

C'alal la stsahic yantic diosetic, hulix guerra a ta yochibal te pueblohetic; ma ba chicnaj mahquilal o lanza ta yohlil ho'pic (40,000) ta tuhl ta Israel.

Jueces 3:15

Te snich'nab Israel awonic ta stojol Jehová; hich la slehbe jcoltaywanej yu'unic, ha te Aod snich'an Gera, sts'umbal Benjamín, ha q'uexam-c'ab winic. Te snich'nab Israel ay la ya'beyic yich' bahel patanil ta stojol Eglón ajwalil yu'un Moab.

Josué 17:16

La yalic te snich'nab José: Ma ba tic'otcotic a te witsiltic ini. Soc spisil te cananeohetic te nahinemic ta spamlej ay scarretahic pasbilic ta taq'uin, ha te ayic ta Bet-seán soc te tut pueblohetic yu'un, soc te ayic ta spamlej yu'un Jezreel, xchihic.

Deuteronomio 28:33

Te sit ats'unub-awawal ta aq'uinal soc spisil te bintic yac ata ta scuenta awa'tel, ha ya swe'ic te mach'atic ma xana'be sba; ayat ta uts'inel soc jimbil ya xc'ohat spisil ora.

Deuteronomio 28:29

soc xmaxlajan ya xbehenat ta ohlil c'ahc'al hich te bin ut'il ts'o'sit ta yihc'al q'uinal, soc ma ba lec ya xc'oht te bintic yac apas; spisil ora ayat ta uts'inel soc ya x'elc'anot abiluc, mayuc mach'a ya scoltayat.

Jueces 4:4

Ha yorahil a te ay jtuhl ants te la scuentahin Israel, Débora sbihil, ha jalwanej, yihnam Lapidot.

Jueces 4:13

la stsob spisil te carretahetic yu'un, ha ho'winic yoxbahc' (900) carretahetic pasbilic ta taq'uin, soc la stsob spisil te winiquetic te sjoquinej, c'alal Haroset-goim ha to ta uc'um Cisón.

Éxodo 2:23

Bayel c'ahc'al ta patil cham te ajwalil yu'un Egipto. Te snich'nab Israel yaquic ta ahcan yu'un swocolic ta mosohil, tulan awonic yu'un; c'oht ta stojol Dios te yahcanic yu'un te swocolic ta mosohil.

Jueces 6:6

Hich mero pobre c'ohtic te Israel ta scuenta Madián. Hich te snich'nab Israel awonic ta stojol Jehová.

Jueces 10:10

Ha yu'un te snich'nab Israel awonic ta stojol Jehová, hich la yalbeyic: Jtahoj jmulcotic ta atojol, yu'un la jquihquitaycotic hilel te Dios cu'uncotic, la jcac' jbahcotic ta a'batinel yu'un te baaletic, xchihic.