Jueces 4:21 - Bible in Tzeltal Bachajón

²¹ Pero te Jael te yihnam Heber la stsac ts'apbil yich'o-ip nahilpac' soc la stsac tal martillo, muquen nohpoj bahel, la smajbe cohel te te' ta xuhc' schiquin c'alal ta lum, como bayel swayel te Sísara yu'un bayel luhben; hich laj.

Bible in Tzeltal de Oxchuc y Tenejapa

²¹ Ja'uc me to, mero luben te Sísara, jich c'ub swayel. Jich yu'un te Jael la stsac martillo soc jch'ix estaca te ya xtuun ta snijt'anel snailpac' a. Noptsaj bael, c'unc'un nax ta jyalel, ta banti ay Sísara. La sbajbey coel ta xujc' xchiquin, jelaw c'axel ta lum, jich laj te Sísara.

Jueces 4:21 Referans Kwoze

1 Corintios 1:27

ha tsahbil c'oht yu'un Dios te bin mayuc sc'oblal ta bahlumilal scuenta yu'un ya sq'uexlaltes te mach'atic ay sp'ijilic; soc ha tsahbil c'oht yu'un Dios te bin mayuc yip ta bahlumilal scuenta yu'un ya sq'uexlaltes te mach'atic ay yipic;

Salmos 3:7

¡Hahchan, Jehová, coltayawon, Dios cu'un! Yu'un ha'at yac amajbe scho' spisil te jcontratac soc yac awuyticlambe sbaquel ye te mach'atic chopol yo'tanic.

Jueces 3:21

Te Aod la yac' bahel te sq'uexam-c'ab, la stsac te espada te ay ta swa'el, la slowbe sch'uht a.

1 Corintios 1:19

Melel hich ts'ihbabil: Ya jimbe sp'ijilic te mach'atic p'ijic; ya cac' te mayuc scuentahil ya xc'oht te bin snopoj te mach'atic ay bin ya sna'ic, xchi.

1 Samuel 17:43

Te filisteo hich la yalbe te David: ¿Yu'un bal ts'i'on te tal awa'bon te'? xchi. Hich la sbohlc'optay te David ta scuenta te diosetic yu'une.

Jueces 15:15

La yil yach'il sbaquel yahlan-e burro, la stsac soc la smil j'ohlil yoxbahc' (1,000) ta tuhl winiquetic a.

Jueces 3:31

Patil tal te Samgar snich'an Anat, ha te mach'a la smil j'ohlil scha'bahc' (600) filisteohetic ta stijojbil j'a'tel-wacaxetic. Ha nix hich la scoltay te Israel.

Jueces 4:9

Ya joquinat bahel; pero ma ba ya x'ich'otat ta muc' yu'un te bin yac apas, como te Jehová ya me yac' ta sc'ab jtuhl ants te Sísara, xchi. Hich te Débora baht soc Barac ta Cedes.

Jueces 4:20

Te Sísara la yalbe te Jael: Tey xatehc'an aba ta sti'il nahilpac'; teme ay mach'a ya xtal sjoc'obat: ¿Ay bal mach'a li' ayi? teme xchihe, Mayuc, xchihan me, xchi.

Jueces 4:22

C'alal c'oht te Barac ta slehel te Sísara, te Jael loc' bahel ta stahel, hich la yalbe: La', ya ca'bat awil te winic yacat ta slehel, xchi. Te Barac och bahel ta banti ay te ants, lajemix a c'oht sta te Sísara, ts'apal ta xuhc' schiquin te yich'o-ip nahilpac'.