Jueces 4:11 - Bible in Tzeltal Bachajón

¹¹ Te Heber, te queneo-winic, te ha sts'umbal Hobab, snihal-mamal Moisés, ayix ora te loq'uem ta stojol te queneohetic soc te spasoj scampamento ta banti te jihte' ta Zaanaim, ta nopol Cedes.

Bible in Tzeltal de Oxchuc y Tenejapa

¹¹ Ta jijte' ta Zaanaim, te nopol yiloj sba soc lum Cedes, tey yac'oj scampamento te Heber te quenita-winic, te la sloq'ues sba tel ta stojolic te yantic quenitaetic te sts'umbalinejic tel te Hobab te snialmamal Moisés.

Jueces 4:11 Referans Kwoze

Jueces 1:16

Te sts'umbal Hobab, te snihal-mamal Moisés, loq'uic bahel ta pueblo yu'un xahnetic soc te snich'nab Judá, bahtic ta jochol taquin q'uinal yu'un Judá te ay ta Neguev ta nopol Arad; la sjoquin sbahic ta nahinel soc te yajwal q'uinal tey a.

Josué 19:33

Te smojonil hahch bahel ta Helef, Alón-saananim, Adami-neceb soc Jabneel, c'alal ta Lacum, c'oht ta loq'uel ta muc'ul-ha' Jordán;

Números 10:29

Te Moisés hich la yalbe te Hobab snich'an Reuel, te madian-winic, ha te snihal-mamal: Te ho'otcotic ya xbohotcotic ta banti hich yaloj te Jehová: Ha ya ca'beyex, te xchihe. Con, joquinawotcotic, lec bin ya jpasbatcotic, como te Jehová yaloj ta jamal te lec bin ya xc'oht ta stojol Israel, xchi.

Josué 19:37

Cedes, Edrei, En-hazor,

Éxodo 3:1

Te Moisés yac ta scanantaybeyel stuminchij te snihal-mamal Jetro, te sacerdote ta Madián. La yic' bahel te tuminchijetic c'alal ta sjehchelul te jochol taquin q'uinal, c'oht c'alal ta Horeb, te wits yu'un Dios.

Jueces 4:6

Te Débora la sticon ta iq'uel tal jtuhl winic Barac snich'an Abinoam te ay ta Cedes ta Neftalí, hich la yalbe: Hich ya spasat ta mandar te Jehová te Dios yu'un Israel: Bahan, tsoba te winiquetic awu'un ta wits Tabor, ac'a sjoquinat bahel jpic soc ho'bahc' (10,000) ta tuhl yu'un te jchahp yu'un Neftalí soc te jchahp yu'un Zabulón.

Números 24:21

Soc la yil te ceneohetic, hich c'opoj ta sc'op-jalwanej: Ay yip te banti ya xnahinat; ay apechech ta tontiquil;

Éxodo 18:1

Te Jetro, te sacerdote yu'un Madián soc ha snihal-mamal Moisés, la ya'iy spisil te bintic pasbot yu'un Dios te Moisés soc Israel te pueblo yu'un, soc te bin ut'il Jehová la sloq'ues tal Israel ta Egipto.

Éxodo 2:18

C'alal suhtic bahel ta banti ay te static Reuel, hich joc'obotic yu'un: ¿Bin yu'un ora nax suhtex tal? xchi.

Jueces 4:12

C'alal la ya'iy te Sísara te mohemix bahel ta wits Tabor te Barac snich'an Abinoam,

1 Samuel 15:6

Hich la yalbe te queneohetic: Bahanic, jitsa abahic, loc'anic bahel ta yohlil te mach'atic ayic ta Amalec scuenta yu'un ma pajaluc ya jlajinex soc; como la ac'uxultayic spisil te snich'nab Israel te c'alal mohic tal ta Egipto, xchi. Hich loq'uic bahel te queneohetic ta yohlil te snich'nab Amalec.

1 Samuel 27:10

C'alal hich ya xjoc'obot yu'un Aquis: ¿Banti c'ohex ta poj-biluquetic nax? teme xchihe, hich ya yal te David: Ta Neguev yu'un Judá, o ta Neguev yu'un Jerameel, o ta Neguev yu'un te queneohetic, xchi.

Números 10:32

Teme yac ajoquinotcotic bahele, te c'alal ayix ta jcuentacotic te bintic lec ya ya'botcotic te Jehová, ha nix ya ca'batcotic, xchi.