Jueces 3:7 - Bible in Tzeltal Bachajón

⁷ Te snich'nab Israel la spasic te bin chopol ta stojol Jehová te Dios yu'unic, ha la sch'ay ta yo'tanic te Jehová te Dios yu'unic soc la yac' sbahic ta a'batinel yu'un te baaletic soc te loc'ombahetic yu'un Asera.

Bible in Tzeltal de Oxchuc y Tenejapa

⁷ Te yat'el israeletic amen ta sit Cajwaltic, ja' te bit'il la yijq'uitay ta yo'tanic, soc jajch'ic ta xch'uunel te lotil dios Baal soc te antsil-dios Asera.

Jueces 3:7 Referans Kwoze

Éxodo 34:13

Ya me ajinticlambeyic te scajtajib ta chiq'uel mahtaniletic yu'unic, ya me awuyticlambeyic te ch'ultesbil tonetic yu'unic, soc ya me ats'eticlambeyic te sloc'ombahic Asera.

2 Reyes 23:6

Soc la sloq'uesbe te sloc'omba Asera ta sna Jehová, la schic' ta fuera ta Jerusalén, ta sjuclej Cedrón, la sutp'in ta tan, la slihlin ta sba te muquenaletic yu'un te yajwal te pueblohe.

2 Crónicas 33:19

Te bin la yal ta sc'oponel Dios soc te bin ut'il a'iybot sc'op yu'un, spisil te smul soc te ma junuc yo'tan, soc te bantic la spasticlan te toyol awilaletic soc te la stehc'an loc'ombahetic yu'un Asera soc yantic loc'ombahetic, te c'alal ma to ba spehc'anej sba a, ha ts'ihbabil hilel ta hun yu'un te jalwanejetique.

2 Crónicas 33:3

Ha la scha'pas xan te toyol awilaletic te la sjin te Ezequías te state; la spasbe scajtajib ta chiq'uel mahtaniletic te baaletic, soc la spasbe loc'ombahetic yu'un Asera, la sch'uhuntay spisil bintic ayic ta ch'ulchan.

2 Crónicas 24:18

hich la yihquitayic te sna Jehová, te Dios yu'un te sme'static, la sch'uhuntayic te loc'ombahetic yu'un Asera soc te yantic loc'ombahetic. Ha yu'un tal yilimba Dios ta stojol Judá soc Jerusalén yu'un te smulique.

2 Crónicas 15:16

Soc te ajwalil Asa la sloq'ues ta ya'tel ta snan-ajwalil te Maaca te snane, como spasoj sloc'omba Asera. La sjimbe te sloc'omba, la swuyticlan soc la schic' ta be-ha' Cedrón.

2 Reyes 23:14

La swuyticlan te ch'ul tonetic, la sjinticlan te loc'ombahetic yu'un Asera, la snojeslan ta sbaquel ants-winiquetic te lugar yu'unique.

1 Reyes 18:19

Yo'tic ticona ta tsobel spisil Israel ta wits Carmelo, soc te jbahc' soc lajuneb yoxwinic (450) ta tuhl jalwanejetic yu'un Baal soc te jbahc' (400) ta tuhl jalwanejetic yu'un Asera te ya xwe'ic ta smesa Jezabel, la yut.

1 Reyes 16:33

Soc la spasbe sloc'omba Asera. Ha yu'un c'ax hich la yac' ilinuc te Jehová te Dios yu'un Israel te bin ut'il spisil te yantic ajwaliletic te nahil c'axic yu'une.

Jueces 6:25

Ta ahc'abal nix Jehová hich la yalbe: Ic'a bahel te jcoht toro yu'un te atat, ha te schebal toro te huqueb ya'bilal, soc jina cohel te scajtajib ta chiq'uel mahtanil yu'un Baal, te ha yu'un te atate; soc ts'eta te sloc'omba Asera te tey nopol ay a.

Jueces 3:12

Te snich'nab Israel cha'hahchic xan ta spasel te bin chopol ta stojol Jehová. Ha yu'un te Jehová la ya'be yip te Eglón ajwalil yu'un Moab ta scontrahinel te Israel, ta scaj te spasojic te bin chopol ta stojol Jehová.

Deuteronomio 16:21

Ma me xats'ap junuc ste'el Asera nopol ta scajtajib ta chiq'uel mahtanil yu'un Jehová te Dios awu'un te apasoj,

Deuteronomio 4:9

Ha yu'un canantaya me aba soc tsahtaya me aba ta lec, scuenta yu'un ma ba ya xch'ay ta awo'tan te bintic awiloj soc ma ba ya xch'ay ta ajolic te jayeb c'ahc'al cuxulex; a'beya sna' te awal-anich'anic soc te amamataque.

2 Crónicas 34:7

Ta patil yu'un te la sjinticlan te scajtajib ta chiq'uel mahtaniletic soc te loc'ombahetic Asera, soc te la swuyticlan soc la sjuch' te bintic lop'taylambil, soc te la sjinticlan spisil te scajtajib ta chiq'uel pom ta spisil sq'uinal Israel suht tal ta Jerusalén.

2 Crónicas 34:3

Ta swaxaquebal ha'bil yochel ta ajwalil a, querem to a, hahch ta slehel te Dios yu'un te David te state. Ta slahchayebal (12) ha'bil hahch ta sloq'uesel ta Judá soc ta Jerusalén te toyol awilaletic, te loc'ombahetic yu'un Asera, te bintic yan loc'taylambil, soc te loc'ombahetic pasbilic ta uhltesbil taq'uin.

Jueces 3:8

Ha scuentahil te tihl yilimba Jehová ta stojolic, la ya'be ta sc'ab Cusan-risataim ajwalil yu'un Mesopotamia. Waxaqueb ha'bil la yac' sbahic ta a'batinel yu'un.

Jueces 8:34

Te snich'nab Israel ma ba la sna'iquix te Jehová te Dios yu'unic te coltayotic loq'uel ta sc'ab yu'un spisil scontrahic ta sjoyobalic.

1 Samuel 12:9

Pero ch'ay ta yo'tanic te Jehová te Dios yu'unic, hich la yac'ticlambe ta sc'ab Sísara, te jtsobaw yu'un te soldadohetic yu'un Hazor, soc ta sc'ab filisteohetic soc ta sc'ab te ajwalil yu'un Moab, te a'botic guerra yu'un.

1 Samuel 12:10

Pero awonic ta stojol Jehová, hich la yalic: La jta jmulcotic, yu'un la jquihquitaycotic hilel te Jehová, la jch'uhuntaycotic te baaletic soc te Astarot. Coltayawotcotic loq'uel ta sc'ab te jcontracotic, ya me jch'uhuntayatcotic, xchihic.

Salmos 106:7

Te c'alal ayic ta Egipto a te jme'jtatcotic, mayuc sc'oblal c'oht ta yo'tanic te yutsil awa'tel; ma ba la sna'ic te bayel sc'uxul awo'tan, la stoy sbahic ta sti'il te Mar Rojo.

Jeremías 23:27

Ta scuenta te swayichic te ya yalbe sbahic, ¿ya bal scuyic te hich ya yac' ch'ayucon ta yo'tan a te pueblo cu'un, hich te bin ut'il ch'ay te jbihil ta yo'tanic te sme'static ta scaj te Baal?

Deuteronomio 8:11

Tsahtaya me te ma ba ya xch'ay ta awo'tan te Jehová te Dios awu'une; c'ohtuc me ta pasel awu'un spisil te mandariletic, te bintic halbil ta mandar soc te bintic chapal yu'un, te yacon ta yalel ta atojolic ta ora ini.

Deuteronomio 8:14

te hich ya xhahchat ta toybahil yu'un soc ya xch'ay ta awo'tan te Jehová te Dios awu'un te la sloq'uesat tal ta Egipto ta mosohil;

Deuteronomio 8:18

Pero ya me ana' te Jehová te Dios awu'un, como ha nax stuquel te ya ya'bat awip ta stahel te c'ulejaliletic, scuenta yu'un hich ya xc'oht ta pasel yu'un a te chapbil-c'op te jc'axel la yalbe ta jamal te ame'atatic, hich te bin ut'il ta ora ini.

Jueces 8:33

Pero te c'alal chamenix a te Gedeón, te snich'nab Israel suhtic xan yac'bel sbahic ta antsinel c'ohem ta stojol te baaletic, soc la sdiosinic te Baal-berit.

Salmos 106:35

la scap sbahic soc te nacionetic soc la snopbeyic stalelic.

Salmos 106:36

La sch'uhuntayic te loc'ombahetic yu'unic, te ha sjinojibal c'ohtic yu'unic.