Jueces 3:12 - Bible in Tzeltal Bachajón

¹² Te snich'nab Israel cha'hahchic xan ta spasel te bin chopol ta stojol Jehová. Ha yu'un te Jehová la ya'be yip te Eglón ajwalil yu'un Moab ta scontrahinel te Israel, ta scaj te spasojic te bin chopol ta stojol Jehová.

Bible in Tzeltal de Oxchuc y Tenejapa

¹² Te israeletic cha'jajch'ic ta spasel bi amen ta sit te Cajwaltique. Ja' yu'un te Cajwaltic la yac'bey yip Eglón te muc' ajwalil yu'un Moab, cajal yip yu'un a te Israel.

Jueces 3:12 Referans Kwoze

1 Samuel 12:9

Pero ch'ay ta yo'tanic te Jehová te Dios yu'unic, hich la yac'ticlambe ta sc'ab Sísara, te jtsobaw yu'un te soldadohetic yu'un Hazor, soc ta sc'ab filisteohetic soc ta sc'ab te ajwalil yu'un Moab, te a'botic guerra yu'un.

Jueces 2:19

Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.

San Juan 19:11

Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

Oseas 6:4

Ya yal te Jehová: ¿Bin ya jpasbat ta atojol, Efraín? ¿Bin ya jpasbat ta atojol, Judá? Te sc'uxul awo'tanic hich c'ohem te bin ut'il tocal ta sab, hich c'ohem te bin ut'il te ts'ujul ta sacubel q'uinal te ya xch'ay bahele.

Daniel 5:18

Ajwalil, te Dios te mero toyol ay la ya'be ya'tel ta ajwalil te atat Nabucodonosor, la ya'be te smuc'ul c'oblal, yutsil sc'oblal soc smuc'ul yutsilal.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Ezequiel 38:16

ya xmohat tal ta scontrahinel te pueblo Israel cu'un hich te bin ut'il tocal te ya smac te q'uinale. C'alal ya sts'acay te sc'ahc'alel, ya quic'at tal ta jq'uinal scuenta yu'un ya me sna'bonic jba te nacionetic te c'alal ha'at ta acuenta, Gog, ya cac' ta ilel ta stojolic te Ch'ul Dioson.

Isaías 37:26

¿Ma bal awa'iyejuc te nameyix hich la jchahpan? Nameyix chahpambil cu'un, ta ora yo'tic la jc'ohtes ta pasel. Ha te la ajinticlan pueblohetic te joybilic ta sts'ahc, te busul hilic ta jinel.

Isaías 10:15

¿Ya bal stoy sba te echej ta stojol te mach'a ya xtuhunot yu'une? ¿ya bal stoy sba te sierra ta stojol te mach'a ya xtuhunot yu'une? ¡Ma spas te bastón ya shach te mach'a tsacbil yu'une! ¡Ma spas te xul ya slic mohel te mach'a ma si'uc!

2 Reyes 5:1

Te Naamán te jtsobaw yu'un soldadohetic yu'un te ajwalil ta Siria muc' sc'oblal ta stojol te yajwal, como ha ta scuenta te a'bot ya'iyic tsalaw yu'un Jehová te siriahetique. C'ax bayel yip yo'tan ta winiquil, pero ay sc'a'el-chamel.

Jueces 2:14

Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Éxodo 9:16

Pero ta smelelil la jcac' cuxajucat scuenta yu'un ya xchicnaj cu'el ta acuenta, soc scuenta yu'un ya yich' puquel bahel ta spahmal q'uinal te jbihile.

Jueces 3:11

Hich ay lamal q'uinal cha'winic (40) ha'bil, ha to c'alal cham te Otoniel snich'an Cenaz.