Jueces 3:11 - Bible in Tzeltal Bachajón

¹¹ Hich ay lamal q'uinal cha'winic (40) ha'bil, ha to c'alal cham te Otoniel snich'an Cenaz.

Bible in Tzeltal de Oxchuc y Tenejapa

¹¹ Ta patil ay cha'winic (40) ja'wil lamaj c'op ta bay te q'uinale. Ta patil laj te Otoniel.

Jueces 3:11 Referans Kwoze

Jueces 8:28

Hich tsalotic yu'un Israel te madianetic, mayuc bin ora la stoy xan sjolic. Lamal q'uinal cha'winic (40) ha'bil te jayeb c'ahc'al cuxul te Gedeón.

Jueces 5:31

Hich me ac'a lajuc spisil acontratac, Jehová; yan te mach'atic c'uxat ta yo'tanic, hichuc me te bin ut'il te c'ahc'al c'alal ya xloc' tal soc yip, xchihic ta c'ayoj. Cha'winic (40) ha'bil lamal te q'uinale.

Jueces 3:30

Hich stsalotic yu'un Israel te Moab ta hich ora. Ay chanwinic (80) ha'bil te lamal te q'uinale.

Josué 11:23

Hich te Josué la yu'untay spisil te q'uinal, hich te bin ut'il pasot ta mandar yu'un Jehová te Moisés; la yac'ticlambe yich'ic te q'uinal te snich'nab Israel, chican jayeb ya yich'ic te jujuchahp. Hich la scux yo'tan yu'un guerra te q'uinale.

Ester 9:22

como ha sc'ahc'alel te judiohetic lahmajix q'uinal yu'un te scontratac, como ha yuhil te c'atp'uj ta tse'el-o'tanil te mel-o'tan, te oq'uel c'atp'uj ta yutsil q'uinal. La yal te ya me spasic q'uin soc yutsil me q'uinal ya ya'iyic, soc talel c'axel ya ya'be sbahic smahtanic soc ya ya'beyic smahtanic te pobrehetique.

1 Crónicas 4:13

Te snich'nab Cenaz, ha te Otoniel soc Seraías. Te snich'nab Otoniel, ha te Hatat

Jueces 3:9

Ha yu'un te snich'nab Israel awonic ta stojol Jehová, hich la slehbe jtuhl jcoltaywanej yu'un te snich'nab Israel te la scoltay, ha te Otoniel snich'an Cenaz, te yihts'in Caleb.

Josué 15:17

Te Otoniel snich'an Cenaz, te yihts'in Caleb, ha la stsal. Hich te Caleb la ya'be yihnamin te yantsil-nich'an Acsa.

Jueces 3:10

Te Otoniel u'untayot yu'un te espíritu yu'un Jehová, ha juez c'oht yu'un Israel soc loc' bahel ta guerra. Te Jehová la ya'be ta sc'ab Otoniel te Cusan-risataim ajwalil yu'un Siria, la ya'be stsal te Cusan-risataim.

Jueces 3:12

Te snich'nab Israel cha'hahchic xan ta spasel te bin chopol ta stojol Jehová. Ha yu'un te Jehová la ya'be yip te Eglón ajwalil yu'un Moab ta scontrahinel te Israel, ta scaj te spasojic te bin chopol ta stojol Jehová.

Nehemías 9:28

Pero te c'alal lamalix q'uinal la ya'iyic, la scha'pasic xan te bin chopol ta atojol. Ha yu'un la awihquitay hilel ta sc'ab te scontratac te ha u'untayotic yu'unic. Pero te c'alal cha'suhtic xan tal soc la yawtayat, la awa'iybe sc'opic c'alal ta ch'ulchan, soc ta scuenta sc'uxul awo'tan bayel buelta la acoltay.