Jueces 3:1 - Bible in Tzeltal Bachajón

¹ Hich ay te nacionetic te la yihquitay hilel Jehová scuenta yu'un ya spas ta prueba spisil te mach'atic ayic ta Israel te ma ba la yilic guerra ta Canaán;

Bible in Tzeltal de Oxchuc y Tenejapa

¹ Ay lumetic te jilic ta spamal q'uinal, te la sc'an yo'tan Cajwaltic te ya yac'bey ta swenta prueba ta stojol te israeletique. Ja'ic te yal-snich'nab israeletic te ma to ayinemic a te c'alal la yac'beyic guerra ta yich'el sq'uinal te cananeoetique.

Jueces 3:1 Referans Kwoze

Proverbios 17:3

Te plata ya xtsajot ta banti ya yich' uhltesel, te oro ya xtsajot ta horno, pero te Jehová ya stsaj te o'tanile.

Deuteronomio 7:22

Te Jehová c'unc'un ya sloq'ues bahel ta atojol te nacionetic, ma xhu' awu'un slajinel spisilic ta ora nax, scuenta yu'un ma ba bayel ya x'esmaj ta atojol a te jti'awal chambahlametic te ya scontrahinat.

Jeremías 6:27

Ya cac'at te ha jtsahtaywanej ya xc'ohat ta stojol te pueblo cu'un, yu'un yac ana'be sba soc yac atsahtay te behetic yu'unic, xchi te Jehová.

Job 23:10

Pero ha ya sna' te be cu'une: teme ya spason ta prueba, lec ya xloc'on hich te bin ut'il oro.

Jueces 2:10

Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.

Deuteronomio 8:16

te la smac'linat ta maná ta jochol taquin q'uinal, ha te we'elil te ma ba la sna'beyic sba te ame'atatic, te la ya'bat apehc'an aba soc la yilbat awo'tan, scuenta awutsil alequil ya xc'ohat yu'un;

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

1 Pedro 4:12

Ha'ex te c'uxex ta co'tan, ma me jchahpuc xawa'iyic yu'un te tsajel talem ta atojolic te hich sc'uxul te bin ut'il c'ahc', ma me xacuyic te jchahp a te bin yac ta c'ohel ta atojolique.

1 Pedro 1:7

scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

San Juan 2:24

Pero te Jesús ma ba la smuc'ulin yo'tan, como sna'beyej yo'tan spisilic;

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

2 Crónicas 32:31

Pero te c'alal la sticon tal a'batetic te príncipaletic yu'un Babilonia ta sjoc'obeyel sc'oblal te bin chahp c'ohem ta pasel ta sq'uinal, te Ezequías ihquitayot yu'un Dios scuenta prueba, yu'un hich ya xna'bot a spisil bintic ay ta yo'tan.

Éxodo 15:25

Ha yu'un te Moisés la yawtay te Jehová, hich a'bot yil jtehc' te' yu'un; la sch'oj ochel ta ha', hich chi'ub te ha'e. Te Jehová tey la ya'be mandaril soc tey la ya'iybe yo'tanic a,

Jueces 1:1

C'alal chamix a te Josué, te snich'nab Israel la sjoc'obeyic te Jehová: ¿Mach'a a te nahil ya xbaht cu'uncotic ta ya'beyel guerra te cananeohetic? xchihic.

Jueces 2:23

Ha scuentahil te Jehová la yihquitay hilel te nacionetic, ma ba ora nax la stenticlan loq'uel, soc ma ba la yac'ticlambe ta sc'ab te Josué.

Jueces 3:2

ha nax la yihquitay hilel yu'un ya snopic yaq'uel guerra te cajalcaj snich'nab Israel, te ya ya'be snopic mach'atic ma to sna'ic:

1 Reyes 9:21

ha te sts'umbalic te hilemic ta q'uinal te ma ba hu' yu'unic te snich'nab Israel te ya slajinic, ha la sujticlan ta a'tel te Salomón, hich ay ta pasel c'alal ora.