Jueces 21:9 - Bible in Tzeltal Bachajón

⁹ Yu'un la yich' ahtayel te pueblo, mayuc jtuhluc tey a te talemic ta Jabes-galaad.

Bible in Tzeltal de Oxchuc y Tenejapa

⁹ Melel te c'alal c'ax lista, ma'yuc mach'a la sjac' sbiil te talemic ta Jabes.

Jueces 21:9 Referans Kwoze

Jueces 21:8

Soc hich la sjoc'oyic: ¿Ay bal jchahp yu'un Israel te ma ba c'oht ta stojol Jehová ta Mizpa? xchihic. Chicnaj te mayuc jtuhluc yu'un te Jabes-galaad te talem ta campamento yu'un te tsoblej.

Jueces 21:10

Ha yu'un te pueblo la sticonic bahel tey a j'ohlil scha'pic (12,000) winiquetic te ay yip yo'tanic, hich la spasic ta mandar: Bahanic, milahic ta espada te mach'atic nahinemic ta Jabes-galaad, soc antsetic soc alaletic.

Jueces 5:23

¡C'ambeyahic chopol c'oblalil te Meroz! xchi te ch'ul a'bat yu'un Jehová, c'ambeyahic tulan chopol c'oblalil te mach'atic nahinemic tey a, xchi; como ma ba tal scoltayic te Jehová, ma ba tal scoltay Jehová ta scontrahinel te mach'atic ay yipique.