Jueces 21:8 - Bible in Tzeltal Bachajón

⁸ Soc hich la sjoc'oyic: ¿Ay bal jchahp yu'un Israel te ma ba c'oht ta stojol Jehová ta Mizpa? xchihic. Chicnaj te mayuc jtuhluc yu'un te Jabes-galaad te talem ta campamento yu'un te tsoblej.

Bible in Tzeltal de Oxchuc y Tenejapa

⁸ ¿Ay bal israeletic te ma ba stejc'anej sba ta stojol Cajwaltic ta Mizpa? —xiic. La sna'ic te ja' ma ba bajt'ic ni jtuluc ta tsoblej te lum Jabes-yu'un-Galaad.

Jueces 21:8 Referans Kwoze

Jueces 21:7

¿Bin ya cutic ya sta yihnamic te mach'atic cuxul hilique? Te ho'otic calojtic ta jamal ta stojol Jehová te ma ba ya ca'betic ya xnuhpunic soc te cantsil-nich'nabtic, xchihic.

Jueces 21:9

Yu'un la yich' ahtayel te pueblo, mayuc jtuhluc tey a te talemic ta Jabes-galaad.

1 Samuel 11:7

Hich la stsac cheb j'a'tel-wacaxetic, la sesen soc la spucticlan bahel ta spahmal sq'uinal Israel ta scuenta jpuc-c'opetic, hich la yal: Hich me ya yich' pasbeyel te j'a'tel-wacaxetic yu'un te mach'atic ma ba ya xloc' tal st'unic te Saúl soc te Samuel, xchi. Te xiwel yu'un Jehová c'oht ta stojol te pueblo, loq'uic tal hich te bin ut'il jtuhl winic.

1 Crónicas 10:11

C'alal la ya'iyic spisil te mach'atic ayic ta Jabes yu'un Galaad te bin la spasbeyic Saúl te filisteohetic,

Jueces 5:23

¡C'ambeyahic chopol c'oblalil te Meroz! xchi te ch'ul a'bat yu'un Jehová, c'ambeyahic tulan chopol c'oblalil te mach'atic nahinemic tey a, xchi; como ma ba tal scoltayic te Jehová, ma ba tal scoltay Jehová ta scontrahinel te mach'atic ay yipique.

1 Samuel 11:9

Patil hich la yalbeyic te jpuc-c'opetic hulemic talel: Hich me xawalbeyic te mach'atic ayic ta Jabes yu'un Galaad: Pajel, te c'alal c'uxix c'ahc'al a, ya me xcolex, xchihic. Hich bahtic te jpuc-c'opetic, c'oht yalbeyic te mach'atic ayic ta Jabes, buen tse'el yo'tanic yu'un.