Jueces 21:10 - Bible in Tzeltal Bachajón

¹⁰ Ha yu'un te pueblo la sticonic bahel tey a j'ohlil scha'pic (12,000) winiquetic te ay yip yo'tanic, hich la spasic ta mandar: Bahanic, milahic ta espada te mach'atic nahinemic ta Jabes-galaad, soc antsetic soc alaletic.

Bible in Tzeltal de Oxchuc y Tenejapa

^10-11 Jich yu'un ta spisil te israeletic la sticunic bael lajchayeb ta jmil (12,000) lequil soldadoetic, la yich'ic bael mandal ta smilel ta puñal ta spisilic te jabeseoetique, alaletic soc antsetic te nujbinemique.

Jueces 21:10 Referans Kwoze

1 Samuel 11:7

Hich la stsac cheb j'a'tel-wacaxetic, la sesen soc la spucticlan bahel ta spahmal sq'uinal Israel ta scuenta jpuc-c'opetic, hich la yal: Hich me ya yich' pasbeyel te j'a'tel-wacaxetic yu'un te mach'atic ma ba ya xloc' tal st'unic te Saúl soc te Samuel, xchi. Te xiwel yu'un Jehová c'oht ta stojol te pueblo, loq'uic tal hich te bin ut'il jtuhl winic.

Jueces 21:5

Hich la sjoc'oyic: Ta spisil te jchahpalchahp Israel ¿mach'atic a te ma ba c'ohtic ta tsoblej ta stojol Jehová? xchihic. Yu'un jc'axel yalojiquix ta jamal te mach'a ma ba ya xc'oht ta stojol Jehová ta Mizpa, ya me xlaj.

Jueces 5:23

¡C'ambeyahic chopol c'oblalil te Meroz! xchi te ch'ul a'bat yu'un Jehová, c'ambeyahic tulan chopol c'oblalil te mach'atic nahinemic tey a, xchi; como ma ba tal scoltayic te Jehová, ma ba tal scoltay Jehová ta scontrahinel te mach'atic ay yipique.

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

Josué 7:24

Hich te Josué soc spisil Israel la stsaquic te Acán snich'an Zera, soc te plata, nahtil-c'u'ul, jpehch oro, te snich'nab queremetic soc ach'ixetic, te wacaxetic, burrohetic soc tuminchijetic yu'un, te snahilpac' soc spisil bintic ay yu'un, la yiq'uic bahel ta spamlej yu'un Acor.

Deuteronomio 13:15

ya me amil ta espada te mach'atic nahinemic ta pueblo ini, jc'axel me xalajin spisil te bintic ay tey a, soc ya me amil ta espada te chambahlametic yu'unique.

Números 31:17

Ha yu'un milahic ta ora spisil te bic'tal queremetic, soc milahic spisil te antsetic tahbilix ta winique.

Jueces 21:8

Soc hich la sjoc'oyic: ¿Ay bal jchahp yu'un Israel te ma ba c'oht ta stojol Jehová ta Mizpa? xchihic. Chicnaj te mayuc jtuhluc yu'un te Jabes-galaad te talem ta campamento yu'un te tsoblej.

Jueces 21:9

Yu'un la yich' ahtayel te pueblo, mayuc jtuhluc tey a te talemic ta Jabes-galaad.