Jueces 20:5 - Bible in Tzeltal Bachajón

⁵ Pero hahch scontrahinonic te mach'atic ay ta Gabaa, la sjoytayic te na banti c'ax ahc'abal cu'un yu'un ya c'an smilonic, soc la yuts'inic te ants cu'un ha to c'alal laj.

Bible in Tzeltal de Oxchuc y Tenejapa

⁵ Ta ajc'ubal la stsob sbaic tel te winiquetic yu'un te lume. La sjoytayic te na te banti ayon, yu'un snopojic te ya smilonique. Soc la yuts'inbonic te cantse, ja' to c'alal laj yu'unic.

Jueces 20:5 Referans Kwoze

Jueces 19:22

Pero c'alal tse'el yo'tanic a, te winiquetic yu'un te pueblo te mero chopol yo'tanic la sjoytayic te na, tulan la stijic te ti'nahil soc hich la yalbeyic te mamal, te yajwal na: Loq'uesa tal te winic te ochem ta ana, scuenta yu'un ya joquin jbahcotic ta wayel soc, xchihic.

Deuteronomio 22:24

ya me aloq'uesic bahel schebalic ta sti'il te pueblo, ya me amilic ta ch'ojel ta ton; te ach'ix, yu'un ma ba awon ta sc'anel coltayel te bin ut'il ay ta yutil pueblo; te winic, yu'un la sbohlobtesbe sc'oblal te yihnam spat-xuhc. Hich me yac aloq'ues te bin chopol ta awohlile.

Deuteronomio 22:21

ya me sloq'uesic bahel ta sti'il sna stat, te winiquetic ta pueblo yu'un ya me smilic ta ch'ojel ta ton, como la spas te bin chopol ta Israel, la yac' sba ta antsinel ta sna stat. Hich me yac aloq'ues te bin chopol ta awohlil.

Jueces 19:28

Hich la yal te levita-winic: Hahchan, conic, la yut. Pero ma ba la sjac' te antse. Ha yu'un te winic la scajan te ants ta sba te burro yu'un, baht ta sna.

Jueces 20:4

Ha yu'un te levita-winic, te smamalal te ants te laje, hich la yal: C'ohon soc te ants cu'un ta Gabaa ta sq'uinal Benjamín yu'un ya xc'ax ahc'abal cu'un tey a.

Levítico 18:24

Ma me xabohlobtes ac'oblalic ta scuenta spasel ini; como ha ta scuenta ini te bohlob sc'oblal te nacionetic te ya jloq'ues ta atojolic,

Josué 7:15

Te mach'a yich'oj te bin parte ac'bil ta scuenta lajel ya me yich' chiq'uel soc spisil bintic ay yu'un, ta scaj te la sc'axuntay te chapbil-c'op yu'un Jehová soc la spas te bin c'ax chopol ta yohlil Israel, xchi te Jehová.