Jueces 20:37 - Bible in Tzeltal Bachajón

³⁷ Te winiquetic te snac'oj sbahic ora nax baht slumtayic te Gabaa, ochic bahel soc la smilic ta espada spisil te pueblo.

Bible in Tzeltal de Oxchuc y Tenejapa

³⁷ Te winiquetic la yochintayic te Gabaa, te mero ch'ayem yo'tan a, soc la smilic ta puñal ta spisil te lume.

Jueces 20:37 Referans Kwoze

Josué 8:19

Ora hahchic te mach'atic snac'oj sbahic, ahnumal ochic bahel ta pueblo, la yu'untayic soc ora la ya'beyic sc'ahc'al.

Josué 6:5

Te c'alal ya xhalaj ta oq'uesinel te xulub tat tuminchij, te c'alal yac awa'iybeyic yoq'uel, tulan ya x'awonic spisil te pueblo, hich ya xjihn cohel te sts'ahcul te pueblohe; tuhlultuhl toj me ya x'ochic bahel, xchi.

Éxodo 19:13

Ya yich' ch'ojel ta ton o ya x'a'bot t'ihmalte', ma ba ya xpicot ta c'abal; teme winic o chambahlam, ma ba ya xcuxaj. C'alal hal ya x'oc' te xulubil ya xhu' ya xnohpojic tal ta wits, xchi.

Josué 8:13

Hich la schahpan te winiquetic: spisil te mach'atic ayic ta campamento la yac' ta stojol norte yu'un Hai, soc te mach'atic te snac'oj sbahic ayic ta stojol smahlib c'ahc'al yu'un Hai. Ta ahc'abal te Josué c'oht c'alal ta yohlil te spamlej.

Josué 8:14

C'alal hich la yil te ajwalil yu'un Hai, ta sab ahnimal hahch soc te winiquetic yu'un; ta yorahil chapal yu'unic, loq'uic bahel te winiquetic yu'un Hai yu'un ya stsal sbahic soc Israel ta stojol te Arabá; ma ba la sna'ic teme ay mach'atic snac'oj sbahic ta spat te pueblo.