Jueces 20:23 - Bible in Tzeltal Bachajón

²³ yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

Jueces 20:23 Referans Kwoze

Oseas 5:15

Ya suhton bahel ta banti cawil, ha to c'alal ya sna'ic te smulic soc ya slehbonic jsit quelaw. ¡Te c'alal ay swocolic a ya me slehonic! xchi.

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Josué 7:7

Hich la yal te Josué: ¡Ay, Cajwal Jehová! ¿bin yu'un la awac' te c'ax ta Jordán te pueblo ini yu'un yac awac'otcotic ta sc'ab te amorreohetic yu'un ya slajinotcotic? ¡Ha lec te teyuc hilotcotic a ta jehch ha' Jordán!

Jueces 20:22

Te winiquetic yu'un Israel la smuc'ubtesbe sba yo'tanic, suhtic bahel ta yaq'uel guerra tey nix te banti la schol sbahic ta shahchibal;

Jueces 20:24

Ha yu'un te snich'nab Israel cha'bahtic xan ya'beyic guerra te snich'nab Benjamín ta schebal c'ahc'al.

1 Samuel 11:4

Te c'alal c'ohtic ta Gabaa yu'un Saúl te jpuc-c'opetic soc te la yalbe ya'iyic mach'atic ayic ta pueblo, spisil te pueblo hahchic ta oq'uel yu'un.

Jueces 1:1

C'alal chamix a te Josué, te snich'nab Israel la sjoc'obeyic te Jehová: ¿Mach'a a te nahil ya xbaht cu'uncotic ta ya'beyel guerra te cananeohetic? xchihic.

Jueces 21:2

Te pueblo tal stsob sbahic ta Bet-el, tey halajic ta stojol Dios a ha to c'alal ihc'ub q'uinal, tulan la yoq'uetay sbahic, hich la yalic:

1 Samuel 7:6

Ha yu'un la stsob sbahic ta Mizpa, la sliquic tal ha', la smalic ta stojol Jehová; ha nix sc'ahc'alel a la scom swe'elic, soc hich la yalic: La jta jmultic ta stojol Jehová, xchihic. Te Samuel ha juez yu'un te snich'nab Israel ta Mizpa.

1 Samuel 10:3

Ya xbehenat xan bahel, te c'alal ya xc'ohat ta jihte' yu'un Tabor, ya me xtal stahat oxeb winiquetic te yacalic ta mohel bahel ta Bet-el ta stojol Dios, te jtuhle yic'oj oxeb tentsunetic, te yane yich'oj oxeb pan, te yoxebal yich'oj yawil vino.

2 Samuel 3:35

Patil spisil te pueblo tal yalbeyic wocol te David te yacuc xwe' te c'alal ma to xmahl a te c'ahc'ale. Pero te David la yal ta jamal: Hich me ac'a spasbon Dios, soc c'ax to xan hich a, teme ya jwe' pan o yan we'elil te c'alal ma to ba mahlem c'ahc'al a, xchi.