Jueces 20:2 - Bible in Tzeltal Bachajón

² Te jtsobawetic yu'un spisil te pueblo, ta jujuchahp sts'umbal Israel, tey ayic a ta tsoblej yu'un te pueblo yu'un Dios, lajuneb yoxwinic ta pic (400,000) ta tuhl winiquetic te chapalic ta espada.

Bible in Tzeltal de Oxchuc y Tenejapa

² Spisil te jtsobwanejetic yu'unic ta juju-jchajp sts'umbal Israel, tey ayic a. Te lum yu'un Dios la stsob sbaic jbajc' ta jmil (400,000) soldadoetic te ya xbeenic ta yacanic.

Jueces 20:2 Referans Kwoze

Jueces 8:10

Te Zeba soc te Zalmuna ayic ta Carcor soc j'ohlil yoxbahc' scha'pic (15,000) ta tuhl soldadohetic, ha te mach'atic hilemic ta spisil te soldadohetic talemic ta stojol banti ya xloc' tal c'ahc'al, yu'un lajemiquix ho'lajunpic (120,000) soldadohetic.

Jueces 20:17

Soc la yich' tsobel lajuneb yoxwinic ta pic (400,000) ta tuhl winiquetic yu'un Israel te chapalic soc espada, spisilic winiquetic yu'un guerra; ma ahtaybiluc te Benjamín.

Jueces 20:15

Ta hich ora te snich'nab Benjamín la stsobic ta pueblohetic yu'un oxpic soc ho'bahc' (26,000) ta tuhl winiquetic te chapal ta espada, ma ahtaybiluc stuquel te ho'lajunwinic scha'bahc' (700) ta tuhl tsahbil winiquetic te ayic ta Gabaa.

2 Reyes 3:26

C'alal la yil te ajwalil yu'un Moab te ya xtsalotic ta guerra yu'unic, la yic' sjoquin bahel ho'lajunwinic scha'bahc' (700) winiquetic te ay espada yu'unic yu'un ya ya'beyic guerra te ajwalil yu'un Edom; pero ma ba hu' yu'unic.

2 Samuel 24:9

Te Joab la ya'be te ajwalil te jayeb loc' ta ahtayel te pueblo. Ay ta Israel ho'winic ta pic (800,000) winiquetic te ya xhu' yu'unic guerra; ta Judá ay j'ohlil yoxeb chanwinic ta pic (500,000) ta tuhl.

Jueces 20:3

Te snich'nab Benjamín la ya'iyic te mohemiquix bahel ta Mizpa te snich'nab Israel. Te levita-winic hich joc'obot yu'un te snich'nab Israel: Halbotcotic ca'iycotic bin ut'il c'oht ta pasel te bin chopol ini, xchihic.

1 Samuel 11:8

Te Saúl la yahtaylan ta Bezec, ay j'ohlil swaxaclajunpic (300,000) snich'nab Israel, soc oxpic soc ho'lajunbahc' (30,000) winiquetic yu'un Judá.

Josué 22:12

la stsob sbahic spisil te pueblo yu'un te snich'nab Israel ta Silo yu'un ya ya'beyic guerra.

2 Samuel 14:13

Hich la sjac' te antse: ¿Bin yu'un anopoj te hich nix yac apas ta scontrahinel te pueblo yu'un Dios? Como te bin ut'il hich ya yal te ajwalil, ha nix ya yal sba te ay smul, te bin ut'il ma ba ya yiq'uix suhtel tal te mach'a stenoj loq'uel.