Jueces 20:18 - Bible in Tzeltal Bachajón

¹⁸ Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Bible in Tzeltal de Oxchuc y Tenejapa

¹⁸ Te israeletic bajt'ic ta lum Betel, tey la sjojc'obeyic Dios swenta sna'el te mach'a neel ta chajbalchajp sts'umbal Israel te ya xba yac'bey guerra te sts'umbal Benjamín. Te Cajwaltic la sjac' te ja' neel ya xbajt' te sts'umbal Judá.

Jueces 20:18 Referans Kwoze

Jueces 20:23

yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Joel 1:14

Puca ta halel te ya scom swe'elic, hala ta tsoblej, tsoba abahic ta sna Jehová te Dios awu'unic, te mamaletic soc spisil mach'atic nahinemic ta q'uinal, c'oponahic te Jehová.

Jueces 20:7

Te bin ut'il ha'ex snich'nabex Israel, hala ca'iycotic bin a te snopojibal awu'unic, xchi.

Jueces 19:18

Te levita-winic la sjac': Talemotcotic ta Belén ta sq'uinal Judá, ya xbohotcotic ta lugar te namal ay ta witsiltic yu'un Efraín te banti talemon. C'ohon tal ta Belén ta sq'uinal Judá, pero yo'tic ya xbohonix ta sna Jehová, mayuc mach'a ya yic'on ochel ta sna.

Jueces 18:31

Hich te jayeb tiempo ay ta Silo te sna Dios, ay ta yohlilic te loc'omba pasbil ta c'abal te spasoj te Micaía.

Josué 18:1

Spisil te pueblo yu'un te snich'nab Israel la stsob sbahic ta Silo, la schahpanic tey a te Nahilpac' Templo yu'un tahojibal. U'untaybilix spisil a te q'uinal,

Josué 9:14

Te winiquetic yu'un Israel la swe'beyic jtebuc te swe'elic, pero ma ba la sjoc'obeyic te Jehová.

Números 27:5

Te Moisés la yich' bahel ta stojol Jehová te c'op yu'unique.

Jueces 20:17

Soc la yich' tsobel lajuneb yoxwinic ta pic (400,000) ta tuhl winiquetic yu'un Israel te chapalic soc espada, spisilic winiquetic yu'un guerra; ma ahtaybiluc te Benjamín.

Jueces 20:19

Hich sab hahchic te snich'nab Israel, baht ya'beyic guerra te Gabaa.

1 Samuel 10:3

Ya xbehenat xan bahel, te c'alal ya xc'ohat ta jihte' yu'un Tabor, ya me xtal stahat oxeb winiquetic te yacalic ta mohel bahel ta Bet-el ta stojol Dios, te jtuhle yic'oj oxeb tentsunetic, te yane yich'oj oxeb pan, te yoxebal yich'oj yawil vino.