Jueces 2:22 - Bible in Tzeltal Bachajón

²² Hich ya jpas ta prueba te Israel teme ya st'unic o ma ba ya st'unic te be yu'un Jehová, hich te bin ut'il la st'unic te sme'statique, xchi.

Bible in Tzeltal de Oxchuc y Tenejapa

²² Ja' la sc'an yil Cajwaltic a teme ya xch'uunbeyic smandal jich bit'il te antiguo sme'-statique, o teme ma sc'aniquix stuquelique.

Jueces 2:22 Referans Kwoze

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

Deuteronomio 8:16

te la smac'linat ta maná ta jochol taquin q'uinal, ha te we'elil te ma ba la sna'beyic sba te ame'atatic, te la ya'bat apehc'an aba soc la yilbat awo'tan, scuenta awutsil alequil ya xc'ohat yu'un;

Deuteronomio 13:3

ma me xawa'iybe sc'op te jalwanej o te hal-wayichil, como te Jehová te Dios awu'unic yac stsajbelex yil teme c'ux yac awa'iy ta awo'tanic te Jehová te Dios awu'unic ta spisil awo'tanic soc ta spisil ach'uhlelic.

Proverbios 17:3

Te plata ya xtsajot ta banti ya yich' uhltesel, te oro ya xtsajot ta horno, pero te Jehová ya stsaj te o'tanile.

Génesis 22:1

Ta patil te Dios la stsaj te Abraham, hich la yalbe: Abraham, xchi. Li' ayoni, xchi te Abraham.

Salmos 66:10

Como ha'at la apasotcotic ta prueba, Dios cu'untic, ha'at la alecubtesotcotic hich te bin ut'il ya yich' lecubtesel plata.

Job 23:10

Pero ha ya sna' te be cu'une: teme ya spason ta prueba, lec ya xloc'on hich te bin ut'il oro.

2 Crónicas 32:31

Pero te c'alal la sticon tal a'batetic te príncipaletic yu'un Babilonia ta sjoc'obeyel sc'oblal te bin chahp c'ohem ta pasel ta sq'uinal, te Ezequías ihquitayot yu'un Dios scuenta prueba, yu'un hich ya xna'bot a spisil bintic ay ta yo'tan.

Éxodo 15:25

Ha yu'un te Moisés la yawtay te Jehová, hich a'bot yil jtehc' te' yu'un; la sch'oj ochel ta ha', hich chi'ub te ha'e. Te Jehová tey la ya'be mandaril soc tey la ya'iybe yo'tanic a,

Jueces 2:23

Ha scuentahil te Jehová la yihquitay hilel te nacionetic, ma ba ora nax la stenticlan loq'uel, soc ma ba la yac'ticlambe ta sc'ab te Josué.