Jueces 2:16 - Bible in Tzeltal Bachajón

¹⁶ Te Jehová la yac' chicnajuc juecetic te la scoltayic loq'uel ta sc'ab te mach'atic la spojbeyic bintic ay yu'unic.

Bible in Tzeltal de Oxchuc y Tenejapa

¹⁶ ja'uc me to, la xchicnantesbey juecetic te ya xcoltayotic yu'un, te bit'il yac ta bael ta pojel sbiluquic yu'un te j'eleq'uetique.

Jueces 2:16 Referans Kwoze

Hechos 13:20

Ay jbahc' soc lajuneb yoxwinic ha'bil (450) te hich c'oht ta pasel, patil la ya'be juecetic ha to c'alal ta yorahil te jalwanej Samuel.

1 Samuel 12:11

Ha yu'un te Jehová la sticombeyex te Jerobaal, Barac, Jefté soc Samuel, la scoltayex loq'uel ta sc'ab acontrahic te ay ta ajoyobalic; hich jun awo'tanic ayinex.

Nehemías 9:27

Ha yu'un la awac'ticlambe ta sc'ab te scontratac, te a'bot swocolic yu'une. Pero te c'alal ay swocolic a, la yawtayat, soc la awa'iybe sc'opic c'alal ta ch'ulchan; ta scuenta te smuc'ul sc'uxul awo'tan la aticombe jcoltaywanejetic yu'un ya scoltayic loq'uel ta sc'abic yu'un te scontratac.

Jueces 3:15

Te snich'nab Israel awonic ta stojol Jehová; hich la slehbe jcoltaywanej yu'unic, ha te Aod snich'an Gera, sts'umbal Benjamín, ha q'uexam-c'ab winic. Te snich'nab Israel ay la ya'beyic yich' bahel patanil ta stojol Eglón ajwalil yu'un Moab.

Jueces 6:14

Te Jehová la yilbe sit, hich la yalbe: Bahan soc te awipe, coltaya te Israel ta sc'ab te madianetique. ¿Ma bal ho'ucon ya jticonat bahel? xchi.

Jueces 4:5

Ya shuhcanlan sba ta ye'tal xahn yu'un Débora te ay ta ohlil yu'un Ramá soc Bet-el, ta witsiltic yu'un Efraín; te snich'nab Israel ya xbahtic ta stojol ta schahpanel te c'opetic yu'unique.

Jueces 10:1

Ta patil yu'un te Abimelec, hahch yac' ta libre te Israel te Tola snich'an Fúa, snich'an Dodo, jtuhl winic yu'un Isacar, te nahin ta Samir te ay ta witsiltic yu'un Efraín.

Rut 1:1

Te c'alal bin ora ayic ta cuentahinwanej a te juecetic, tal wi'nal ta q'uinal. Ay jtuhl winic ta Belén ta sq'uinal Judá te baht ta nahinel ta sq'uinal Moab soc yihnam soc cheb snich'nab.

Jueces 3:31

Patil tal te Samgar snich'an Anat, ha te mach'a la smil j'ohlil scha'bahc' (600) filisteohetic ta stijojbil j'a'tel-wacaxetic. Ha nix hich la scoltay te Israel.

Jueces 11:32

Hich te Jefté baht ya'be guerra te amonetic; te Jehová la yac'ticlambe ta sc'ab.

1 Samuel 14:48

La stsob soldadohetic, la stsal Amalec, hich la scoltay Israel ta sc'ab te mach'atic yac spojbelic sbiluquic.

2 Samuel 7:11

te c'alal la jcotses juecetic ta stojol te jpueblo Israel. Soc te ha'ate ya ca'bat acux awo'tan yu'un spisil acontratac. Soc te Jehová ya ya'bat ana' te ha ya spasbat ana stuquel.