Jueces 2:15 - Bible in Tzeltal Bachajón

¹⁵ Bayuc banti bahtic ta yaq'uel guerra, contrahinotic yu'un te sc'ab Jehová yu'un ya ya'be swocolic, hich te bin ut'il yaloj te Jehová soc te jc'axel yaloj ta jamal. Ay bayel swocolic.

Bible in Tzeltal de Oxchuc y Tenejapa

¹⁵ Jujun buelta te ya xbajt'ic ta guerra, ma'yuc ta coltayel yu'un te Cajwaltique. Squechconic ta bolobel, melel jich nix albot sc'oplalic ta neelal. Manchuc me ac'botiquix tulan swocolic te israeletic yu'un te Cajwaltic,

Jueces 2:15 Referans Kwoze

2 Corintios 4:8

Bayel bin ay jwocolcotic yu'un, pero ma ba ya slajimbotcotic quipcotic; ma xna'baj bin ya jpascotic, pero ma ba ya xlaj yutsil co'tancotic yu'un;

Miqueas 2:3

Ha yu'un hich yaloj te Jehová: Chapalix cu'un te ya ca'be te bin chopol ta stojol te ants-winiquetic ini te ma xhu' yac acoltay abahic yu'une; ma ba soc toybahil ya xbehenex, como ha yorahil wocol.

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

Jeremías 44:11

Ha yu'un hich yaloj te Jehová te scuentahinej spisil, te Dios yu'un Israel: Ilawil, jnopoj te ya cac' tal bin chopol ta atojolic yan buelta, ya jin spisil Judá.

Jeremías 21:10

Como jnopoj te ya ca'be te bin chopol, ma ha'uc te bin lec, te pueblo ini, xchi te Jehová. Ya x'a'bot ta sc'ab te ajwalil yu'un Babilonia, ha me ya ya'be sc'ahc'al.

Jeremías 18:8

Pero teme ya suhtes yo'tan yu'un te schopolil, te la jcalbe sc'oblale, ya jsuht jc'op, ma ba ya jpasbe te bin chopol jnopoj te ya jpasbe.

1 Samuel 30:6

Ay swocol yu'un mel-o'tan te David, como te winiquetic la yalic sch'ojel ta ton, como ta spisil te winiquetic pich'il yo'tanic ta scaj te ach'ix queremetic yu'unique. Pero te David la sta yip yo'tan ta stojol Jehová te Dios yu'une.

1 Samuel 14:24

Pero te winiquetic yu'un Israel ay swocolic ta hich ora, como te Saúl la yac' te ay bin ya yalic ta jamal te winiquetic, hich la yal: Bohlobuc me sc'oblal mach'ayuc a te ay bin ya swe' te ma to x'ihc'ub q'uinal a, te c'alal ma to ba ca'beyej spacol a te jcontrahe, xchi. Hich spisil te winiquetic mayuc bin la swe'ic.

1 Samuel 13:6

Te c'alal la yilic te winiquetic yu'un Israel te ma xhu' yu'unic (como mero tembilic te pueblo), la snac' sbahic ta ch'en, ta pimil q'uinal, ta sc'uhb muc'ul tontiquil, ta be-ha' ch'entiquil soc ta hotbil yawil.

Jueces 10:9

Te amonetic sohlic bahel ta Jordán yu'un ya ya'beyic guerra te Judá, Benjamín soc te sts'umbal Efraín. C'ax bayel swocol te Israel yu'un.

Rut 1:13

¿ya bal amahliyic ha to c'alal ya xmuc'ubic? ¿Yu'un bal ma ba ya xnuhpunex ta scuentahic? Ma hichuc, cantsil-alatac. C'ax hich ay jwocol a te bin ut'il te ha'exe, como shachoj sc'ab te Jehová ta scontrahimbelon, xchi.

Deuteronomio 18:20

Te jalwanej te ta scuenta stoybahil ay bin ya yal ta scuenta jbihil te ma ba calbeyej ta mandar te hich ya yal, o teme ya xc'opoj ta scuenta sbihil yantic diosetic, ya me xlaj, xchi.

1 Samuel 12:15

Yan teme ma ba yac awa'iybeyic sc'op te Jehová, teme yac atoy abahic ta stojol te mandariletic yu'une, ya me scontrahinex te sc'ab Jehová hich te bin ut'il la scontrahin te ame'atatique.

2 Crónicas 12:1

C'alal la yich' yip ta ya'tel ta ajwalil te Roboam, la yihquitay hilel te mandariletic yu'un Jehová, soc hich nix la spasic spisil Israel.