Jueces 2:14 - Bible in Tzeltal Bachajón

¹⁴ Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele.

Bible in Tzeltal de Oxchuc y Tenejapa

¹⁴ Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Jueces 2:14 Referans Kwoze

2 Reyes 17:20

Ha yu'un te Jehová la sloq'ues ta stojol spisil te sts'umbal Israel, la ya'be swocolic soc la yac' ta sc'ab jpoj-biluquetic ha to c'alal jc'axel la sloq'ues ta stojol.

Deuteronomio 32:30

¿Bin ut'il ya xhu' te jtuhl nax ya snuts bahel jmil ta tuhl, soc te cha'tuhl nax ya yac' ahnuc lajunmil, te manchuc chonotic yu'un te Muc'ul Ton, soc te ihquitayotic yu'un te Jehová?

Jueces 10:7

Ha yu'un tihl yilimba Jehová ta stojol Israel, hich a'botic ta sc'ab te filisteohetic soc te amonetic.

Jueces 4:2

Ha yu'un te Jehová la ya'be ta sc'ab Jabín ajwalil yu'un Canaán te la ya'iy cuentahinwanej ta Hazor. Te jtsobaw yu'un te soldadohetic yu'un, Sísara sbihil, nahinem ta Haroset-goim.

Levítico 26:37

Ya syahlteslan sbahic hich te bin ut'il yacalic ta ahnel yu'un espada, aunque mayuc mach'a nutsbilic yu'un. Ma xhu' awu'unic te yac atehc'an abahic ta stojol te acontrahique.

2 Crónicas 36:16

Pero la slabanic te jal-c'opetic yu'un Dios soc ma ba la yich'beyic ta cuenta te sc'ope, la stse'layic te jalwanejetic ha to c'alal tohy yilimba Jehová ta scontra te pueblo yu'une, ma ba weht bin ya yich' pasbeyel.

Jeremías 37:10

Aunque yac atsalic spisil te soldadohetic yu'un te caldeohetic te yac ta yaq'uel guerra ta atojolic, teme ha xanix ya xhilic te mach'atic ehchenajemic, ta jujutuhl ya me xhahchic tal ta snahilpaq'uic, ya me ya'beyic sc'ahc'al te pueblo ini, xchi.

Isaías 50:1

Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.

Salmos 44:12

C'ax peq'uel la achon te pueblo awu'un, ¡mayuc bin loc' awu'un a!

2 Crónicas 15:5

Ta hich ora mayuc lamal q'uinal yu'un te mach'a ya xtal xbaht, ay bayel wocol ta stojol spisil mach'atic nahinemic ta q'uinal.

Jueces 1:34

Te amorreohetic la stenic bahel te sts'umbal Dan c'alal ta witsiltic, ma ba la yaq'uic te ya xcohic tal ta spamlej.

Jueces 1:19

Te Jehová la sjoquin te Judá, te ha la yu'untayic te witsiltic, pero ma ba hu' yu'unic stenel loq'uel te mach'atic nahinemic ta spamlej, yu'un ay scarretahetic yu'un guerra pasbilic ta taq'uin.

Deuteronomio 28:58

Teme ma ba yac apas spisil te c'opetic ya yal ta Ley te ts'ihbabil hilel ta hun ini, teme ma ba yac awich' ta muc' te bihilil te ay yutsilal soc te xiweltic sba yu'un te Jehová te Dios awu'une,

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

Deuteronomio 28:20

Te Jehová ya me sticon tal te chopol c'oblalil ta atojol, ma xana' bin yac apas, soc ay awocol yu'un spisil bintic yac apas, ha to c'alal jc'axel yac awich' lajinel soc te ora nax ya xch'ayat bahel ta scaj te schopolil awa'tel te la awihquitayon yu'une.

Números 32:14

Yo'tic ha'ex la ajelolin atatic, ha'ex snich'nabex jmulawil winiquetic, yac awaq'uic tohyuc xan yilimba Jehová ta stojol Israel.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Jueces 2:20

Ha yu'un tihl yilimba Jehová ta stojol Israel, hich la yal: Te bin ut'il te pueblo ini yac sc'axuntaybel te c'op jchapoj soc te sme'static, soc te ma ba ya sch'uhumbonic te jc'ope,

Jueces 3:12

Te snich'nab Israel cha'hahchic xan ta spasel te bin chopol ta stojol Jehová. Ha yu'un te Jehová la ya'be yip te Eglón ajwalil yu'un Moab ta scontrahinel te Israel, ta scaj te spasojic te bin chopol ta stojol Jehová.

2 Samuel 7:11

te c'alal la jcotses juecetic ta stojol te jpueblo Israel. Soc te ha'ate ya ca'bat acux awo'tan yu'un spisil acontratac. Soc te Jehová ya ya'bat ana' te ha ya spasbat ana stuquel.

2 Reyes 13:3

Ha yu'un ilin yo'tan ta stojol Israel te Jehová. Bayel ha'bil la ya'be ta sc'ab Hazael ajwalil yu'un Siria soc ta sc'ab Ben-adad snich'an Hazael.

Nehemías 9:27

Ha yu'un la awac'ticlambe ta sc'ab te scontratac, te a'bot swocolic yu'une. Pero te c'alal ay swocolic a, la yawtayat, soc la awa'iybe sc'opic c'alal ta ch'ulchan; ta scuenta te smuc'ul sc'uxul awo'tan la aticombe jcoltaywanejetic yu'un ya scoltayic loq'uel ta sc'abic yu'un te scontratac.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Números 32:13

Tihl yilimba Jehová ta stojol Israel, hich la ya'be sbehentayic te jochol taquin q'uinal cha'winic (40) ha'bil, ha to c'alal mayuquix mach'a cuxul hil te chopol bin la spasic ta stojol Jehová.

Josué 23:16

teme yac ac'axuntaybe te chapbil-c'op yu'un Jehová te Dios awu'unic te la spasex ta mandar, teme yac awich'ic ta muc' yantic diosetic soc teme yac aquejan abahic ta stojolique. Hich me ya xtihl te yilimba Jehová ta atojolic soc ora ya xch'ayex ta lequil q'uinal ini te la ya'beyexe, xchi te Josué.

2 Samuel 24:1

Te Jehová tihl xan yilimba ta stojol Israel. La shachbe yo'tan David ta scontrahinel Israel, hich la yal: Bahan, ahtaya te Israel soc Judá, xchi.

2 Crónicas 28:5

Ha scuentahil te Jehová te Dios yu'un la ya'be ta sc'ab te ajwalil yu'un Siria. Te siriahetic la stsalic soc la schuquic bahel bayelic ta Damasco. Soc te Acaz ac'ot ta sc'ab te ajwalil yu'un Israel, bayel a'bot swocol yu'un.

Salmos 44:11

La awac'otiquix ta lajel hich te bin ut'il tuminchijetic soc la apucotcotic bahel ta stojol te nacionetique.

Isaías 42:24

¿Mach'a la yac' ta sc'ab j'eleq'utic te Jacob soc te la yac' ta sc'ab jpoj-biluquetic te Israel? ¿Ma bal ha'uc te Jehová te jtahoj jmultic ta stojole? Ma ba la sc'anic te behenic ta behetic yu'un soc ma ba la sch'uhumbeyic te Ley yu'une.