Jueces 2:12 - Bible in Tzeltal Bachajón

¹² La yihquitayic te Jehová te Dios yu'un te sme'static te loq'uesotic tal yu'un ta sq'uinal Egipto, la st'unic bahel yantic diosetic yu'un te pueblohetic te ayic ta sjoyobalic; la squejan sbahic ta stojolic, hich la shachbeyic yilimba te Jehová.

Bible in Tzeltal de Oxchuc y Tenejapa

¹² La yijq'uitayic ta yo'tanic te Cajwaltic te Dios yu'un te antiguo sme'-static, te loq'uesotic tel yu'un ta Egipto. Ja' la yac' sbaic ta xch'uunel te loc'ombaetic yu'un te lumetic te ainemic ta sjoyobale. Jich la sjajch'esbeyic yilimba te Cajwaltique.

Jueces 2:12 Referans Kwoze

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Deuteronomio 29:25

Hich me ya sjaq'uic: Yu'un la yihquitayic hilel te chapbil-c'op yu'un Jehová te Dios yu'un te sme'static, ha te c'op la schap soc c'alal la sloq'ues tal ta sq'uinal Egipto;

Deuteronomio 13:5

Te jalwanej o hal-wayichil ya me yich' milel ta scaj te la ya'bat anop toybahil ta stojol Jehová te Dios awu'unic te la sloq'uesat tal ta sq'uinal Egipto soc te la scoltayat loq'uel tal ta mosohil, ya c'an ya'bat awihquitay hilel te be yalbeyejat at'un te Jehová te Dios awu'une. Hich me yac aloq'ues a te bin chopol ta awohlil.

Deuteronomio 29:18

Ma me ayuc ta awohlilic winic o ants, jchahp na, o jchahp ts'umbalil, te hich ay yo'tan te ya yihquitay te Jehová te Dios cu'untic, yu'un ya yac' sba ta a'batinel yu'un te lotil diosetic yu'un te nacionetic ini; ma me ayuc ta awohlilic te hich c'ohem te bin ut'il slohp' te ya yac' te bin ch'a te ya xmilawan,

Deuteronomio 5:9

Ma me xaquejan aba ta stojolic soc ma me xawac' aba ta a'batinel yu'unic, como ho'on Jehovahon te Dioson awu'un xut'et co'tan, ya ca'be castigo yu'un smulic te me'iltatiletic te yal-snich'nabic ta yoxcajal soc ta schancajal te mach'atic ya yil-o'tantayonic,

Jueces 5:8

C'alal la stsahic yantic diosetic, hulix guerra a ta yochibal te pueblohetic; ma ba chicnaj mahquilal o lanza ta yohlil ho'pic (40,000) ta tuhl ta Israel.

Deuteronomio 33:17

Te yutsilal ha pajal soc sba-nich'an toro, te xulubil yu'un pajal soc xulub ha'mal-toro. Ha ya scujticlan a te nacionetic c'alal ta sti'il te bahlumilal; hich ay te bayel ta lajlajunmil yu'un Efraín, hich ay te bayel ta mil yu'un Manasés, xchi.

Deuteronomio 32:15

Pero juhp' te Jesurún, soc pujawan ta teq'uel, (c'ax juhp'at, mero bayel ajuhp'el). Ha yu'un la sch'ay ta yo'tan te Dios te pasot yu'une; la yihlay te Muc'ul Ton te ya xcoltayot yu'un.

Jueces 8:33

Pero te c'alal chamenix a te Gedeón, te snich'nab Israel suhtic xan yac'bel sbahic ta antsinel c'ohem ta stojol te baaletic, soc la sdiosinic te Baal-berit.

Jueces 10:11

Te Jehová hich la sjac'be sc'op te snich'nab Israel: ¿Ma bal lajuc awich'ic uts'inel yu'un te egipciohetic, amorreohetic, amonetic, filisteohetic,

Salmos 78:58

La yaq'uic ilinuc Dios yu'un te toyol awilaletic yu'unic, la shahchbeyic xut'et yo'tan yu'un te loc'ombahetic yu'unique.

Salmos 106:36

La sch'uhuntayic te loc'ombahetic yu'unic, te ha sjinojibal c'ohtic yu'unic.

Éxodo 13:3

Te Moisés hich la yalbe te pueblo: Na'ahic me te c'ahc'al ini, ha te bin ora loq'uex tal ta Egipto te banti ayex ta mosohil, como te Jehová la sloq'uesex tal ta scuenta smuc'ul yu'el sc'ab; ha yu'un ma me xawe'ic te bin yich'oj levadura.

Éxodo 13:9

Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Éxodo 13:14

Te c'alal ya sjoc'obat te anich'an: ¿Bin scuentahil ini? teme xchihe, hich me xawalbe: Te Jehová, ta scuenta yu'el sc'ab la sloq'uesotic tal ta Egipto te banti ayotic ta mosohil;

Éxodo 13:16

Ha me seña ya xc'oht awu'unic ta ac'ab soc ha sna'ojibal ta ati'ba te bin ut'il Jehová la sloq'uesotic bahel ta Egipto ta scuenta yu'el sc'ab, xchi te Moisés.

Deuteronomio 4:25

Te c'alal ayix awal-anich'nabic soc amamataquic a, soc te c'alal mamalubenexix ta q'uinal, teme ya x'och abohlobtes abahic yu'un yac apas awahcananic o sloc'ombahil biluc a, teme yac apasic te bintic chopol ta stojol Jehová te Dios awu'unic, te hich yac ahachbeyic yilimba a,

Deuteronomio 6:12

ma me xch'ay ta awo'tan te Jehová te la sloq'uesat tal ta sq'uinal Egipto te banti ayat ta mosohil.

Jeremías 16:11

Hich me yac ajac'be: Como la yihquitayon te ame'atatic, xchi te Jehová, soc la st'unic bahel yantic diosetic soc la yac' sbahic ta a'batinel yu'unic soc la sch'uhuntayic. La yihquitayonic soc ma ba la sch'uhunic spasel te Ley cu'une.