Jueces 2:11 - Bible in Tzeltal Bachajón

¹¹ Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Bible in Tzeltal de Oxchuc y Tenejapa

¹¹ Te israeletic la spasic bi amen ta sit te Cajwaltic, ja' te bit'il jajch'ic ta xch'uunel loc'ombaetic yu'un Baal.

Jueces 2:11 Referans Kwoze

Jueces 10:6

Pero te snich'nab Israel la scha'pasic xan te bin chopol ta stojol Jehová, la yac' sbahic ta a'batinel yu'un te baaletic soc te Astarot, te diosetic yu'un Siria, Sidón, Moab, Amón soc yu'un te filisteohetic. La yihquitay ta yo'tanic te Jehová, ma ba la yac' sbahic ta a'batinel yu'un.

Jueces 6:1

Te snich'nab Israel la spasic te bin chopol ta stojol Jehová. Ha yu'un te Jehová la ya'be ta sc'ab Madián huqueb ha'bil.

Jueces 4:1

C'alal chamenix a te Aod, te snich'nab Israel suhtic xan ta spasel te bin chopol ta stojol Jehová.

Jueces 3:7

Te snich'nab Israel la spasic te bin chopol ta stojol Jehová te Dios yu'unic, ha la sch'ay ta yo'tanic te Jehová te Dios yu'unic soc la yac' sbahic ta a'batinel yu'un te baaletic soc te loc'ombahetic yu'un Asera.

Jueces 8:33

Pero te c'alal chamenix a te Gedeón, te snich'nab Israel suhtic xan yac'bel sbahic ta antsinel c'ohem ta stojol te baaletic, soc la sdiosinic te Baal-berit.

1 Reyes 18:18

La sjac' te Elías: Ho'on ma ba yac ca'bebel swocol te Israel; ha'at soc te mach'atic ay yu'un te atate. La awihquitayic te mandariletic yu'un Jehová, la at'unic te baaletique.

Jueces 13:1

Te snich'nab Israel la scha'pasic xan te bin chopol ta stojol Jehová, hich te Jehová la yac'ticlan ta sc'ab te filisteohetic cha'winic (40) ha'bil.

Jeremías 9:14

Ha la st'unic te bin la snop ta yo'tanic soc la st'unic bahel te baaletic, hich te bin ut'il a'bot snopic yu'un te sme'statique.

Jeremías 2:23

¿Bin ut'il ay a te hich yac awal: Ma ba bohloben jc'oblal, mayuc bin ora la jt'un bahel te baaletic, te xchihate? Ilawil bin ut'il ayat ta spamlej, na'a me te bin apasoj, yantsilel camellohat te bayuc nax ya x'ahnimajat,

Esdras 8:12

Ta sts'umbal Azgad: Johanán snich'an Hacatán, soc joquimbil yu'un lajuneb swacwinic (110) ta tuhl winiquetic.

2 Crónicas 33:6

La yac' c'axuc ta c'ahc' te snich'nab ta sjuclej Ben-hinom, la spasbe ya'tel j'ilojel, jna'ojel soc jpas señahiletic, soc la sjoc'obe te mach'a ya sc'opon ch'uhlelaletic soc bohl espirituhetic. C'ax bayel chopol bintic la spas ta stojol Jehová, ha to c'alal la shachbe yilimba.

2 Crónicas 28:2

Ha la st'umbe sbe te ajwaliletic yu'un Israel soc la spasticlan loc'ombahetic yu'un Baal ta uhltesbil taq'uin.

1 Samuel 7:4

Ha yu'un te snich'nab Israel la sch'ojticlanic loq'uel te loc'ombahetic yu'un Baal soc Astarot, ha nax la yac' sbahic ta a'batinel yu'un te Jehová.

Jueces 10:10

Ha yu'un te snich'nab Israel awonic ta stojol Jehová, hich la yalbeyic: Jtahoj jmulcotic ta atojol, yu'un la jquihquitaycotic hilel te Dios cu'uncotic, la jcac' jbahcotic ta a'batinel yu'un te baaletic, xchihic.

Jueces 3:12

Te snich'nab Israel cha'hahchic xan ta spasel te bin chopol ta stojol Jehová. Ha yu'un te Jehová la ya'be yip te Eglón ajwalil yu'un Moab ta scontrahinel te Israel, ta scaj te spasojic te bin chopol ta stojol Jehová.

Génesis 38:7

Te Er te sba-nich'an Judá, ma lecuc ilot yu'un Jehová, hich lajimbot scuxlejal yu'un.

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Jueces 6:25

Ta ahc'abal nix Jehová hich la yalbe: Ic'a bahel te jcoht toro yu'un te atat, ha te schebal toro te huqueb ya'bilal, soc jina cohel te scajtajib ta chiq'uel mahtanil yu'un Baal, te ha yu'un te atate; soc ts'eta te sloc'omba Asera te tey nopol ay a.

1 Reyes 22:53

La yac' sba ta a'batinel yu'un Baal soc la sch'uhuntay, hich la yac' ilinuc te Jehová te Dios yu'un Israel, hich te bin ut'il la spas te state.

Nehemías 9:26

Pero la sc'axuntayic te mandariletic awu'un soc la stoy sbahic ta atojol, la swalac'patiyic te Ley awu'un, la smilticlanic te jalwanejetic awu'un te tsitsotic yu'unic te yacuc suhtic xan ta atojol; soc bayel la sbohlc'optayat.

Salmos 78:56

Pero la stsajic soc la shachbeyic yo'tan te Dios te mero toyol ay, ma ba la sch'uhumbeyic spasel te mandariletic yu'une.

Jeremías 11:10

Suhtemiquix bahel ta spasel te bintic chopol la spasic te sme'static, te mach'atic ma ba la sc'an la ya'iybonic te jc'ope. La st'unic bahel yantic diosetic yu'un ya yac' sbahic ta a'batinel yu'unic. Te sna Israel soc te sna Judá la sc'axuntaybonic te chapbil-c'op la jchap soc te sme'statique.

Números 25:3

Hich te pueblo la sjoquinic ta sch'uhuntayel te Baal-peor. Tihl hahchel yilimba Jehová yu'un ta stojol Israel.

Deuteronomio 4:25

Te c'alal ayix awal-anich'nabic soc amamataquic a, soc te c'alal mamalubenexix ta q'uinal, teme ya x'och abohlobtes abahic yu'un yac apas awahcananic o sloc'ombahil biluc a, teme yac apasic te bintic chopol ta stojol Jehová te Dios awu'unic, te hich yac ahachbeyic yilimba a,

1 Samuel 7:3

Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.

1 Samuel 12:10

Pero awonic ta stojol Jehová, hich la yalic: La jta jmulcotic, yu'un la jquihquitaycotic hilel te Jehová, la jch'uhuntaycotic te baaletic soc te Astarot. Coltayawotcotic loq'uel ta sc'ab te jcontracotic, ya me jch'uhuntayatcotic, xchihic.

1 Reyes 11:5

Te Salomón la st'un te Astoret te antsil-dios yu'un te sidonetic, soc te Milcom te ihlaybil loc'omba yu'un te amonetique.

2 Crónicas 28:3

La schic' pom ta sjuclej yu'un Ben-hinom soc la schic' te snich'nab, hich te bin ut'il te ihlaybil ya'telic te yantic nacionetic te tenotic loq'uel yu'un Jehová ta stojol te snich'nab Israel.

Jeremías 2:20

Como nameyix la awuy te yugo awu'un soc te bin chuculat a, hich la awal: Ma ba ya cac' jba ta a'batinel, xchihat. Ta spisil ini, la awac' aba ta antsinel ta spisil toyol tsehletic soc ta ye'tal spisil pimil ya'binal te'etic.

Jeremías 16:11

Hich me yac ajac'be: Como la yihquitayon te ame'atatic, xchi te Jehová, soc la st'unic bahel yantic diosetic soc la yac' sbahic ta a'batinel yu'unic soc la sch'uhuntayic. La yihquitayonic soc ma ba la sch'uhunic spasel te Ley cu'une.

Jeremías 32:23

Ha'ic ochic talel soc la yu'untayic, pero ma ba la sch'uhumbat ac'op soc ma ba la st'unic te Ley awu'une; mayuc bin la spasic te la awalbe ta mandar. Ha yu'un la aticombe tal ta stojolic spisil te bintic chopol ini.