Jueces 19:3 - Bible in Tzeltal Bachajón

³ Hahch bahel te smamalal, yu'un ya yutsil-c'optay soc ya yic' suhtel tal. Yic'oj bahel jtuhl ya'bat soc cheb burrohetic. Te ants la yic' ochel ta sna te state.

Bible in Tzeltal de Oxchuc y Tenejapa

³ te levita-winic bajt' ta sleel, ba slecubtesbey yo'tan te yacuc sujt' tel soc. La yic' bael jtul yabat soc cheb burroetic. Te antse jun yo'tan la yic' ochel ta sna te state.

Jueces 19:3 Referans Kwoze

Génesis 50:21

Ha yu'un ma me xiwex; ho'on ya jmac'linex ta apisilic soc awal-anich'anic, xchi sc'oblalic. Hich la smuc'ubtesbe q'uinal ya'iyic soc la yutsil-c'optaylan.

Génesis 34:3

Pero jun sch'uhlel la ya'iy sba soc te Dina te yantsil-nich'an Jacob, bayel la smulan te ach'ix, soc la yutsil c'opon.

Gálatas 6:1

Quermanotac, teme ay mach'a la sta smul, ha'ex te cuentahimbilex yu'un te Espíritu ya me acha'sutic xan tal soc slamalil awo'tanic, pero ya me atsahtay aba, te manchuc ha'at nix yac atahic sujel ta mulil.

San Juan 8:11

La sjac' te ants: Mayuc, Cajwal, xchi. Ni ho'ucon ya cac'at ta castigo. Bahan, ma me xalehix yan amul, xchi te Jesús.]

San Mateo 1:19

Te bin ut'il toj yo'tan te José te smamalal, ma ba la sc'an la yac' ta q'uexlal te smacbil antse, ha yu'un la snop te muquen ya yihquitay.

Oseas 2:14

Ha scuentahil te ya jmon talel; ya quic' bahel ta jochol taquin q'uinal soc ya cutsil-c'opon.

Jeremías 3:1

Ay hich ya yalic: Teme ay mach'a ya yihquitay hilel yihnam, ya xloc' bahel te ants soc ya xnuhpun soc yan winic, ¿ya to bal scha'ic'ot xan yu'un te winique? ¿Ma bal jc'axeluc ya xbohlob te q'uinal yu'un? Pero ha'at la awac' aba ta antsinel soc tsobol mach'atic jun awo'tan aba soc, ¿ya to bal suhtat tal ta jtojol? xchi te Jehová.

Jueces 15:1

Ta patil bahel, ta yorahil te ya xloc' trigo, te Sansón baht yil te yihnam, soc la yic'be bahel tut tentsun, hich la yal: Ya x'ochon bahel ta yilel te quihnam ta stsalul sna, xchi. Pero ma ba ac'ot ochel yu'un stat te antse.

Números 22:22

Tihl yilimba Dios yu'un te bahte. Te ch'ul a'bat yu'un Jehová la yac' sba ta be scuenta scontrahinel. Te Balaam cajal bahel ta sburra a soc joquinot bahel yu'un cheb a'batetic yu'un.

Levítico 20:10

Teme ay winic ya yantsimbe yihnam te spat-xuhc, te j'antsiwej soc te j'antsinel ya me xlajic yu'un.

Levítico 19:17

Ma xawil-o'tantay te awermano. Ya me atsits apat-axuhc scuenta yu'un ma pajaluc yac ata amul soc.

Jueces 19:2

Te ants yu'un la yac' sba ta antsinel, la yihquitay te winique, baht ta sna stat ta Belén ta sq'uinal Judá; tey halaj chaneb u a.

Jueces 19:4

Te snihal-mamal te winic, ha te stat te ants, la yalbe te yacuc xhil, hich halaj ta sna oxeb c'ahc'al, we', uch' soc way tey a.

Jueces 19:26

C'alal nopol ya sacubix a te q'uinale, tal te ants, hul ta puch'el ta ti'nahil yu'un te sna te mamal te banti ay te smamalal, tey hil a ha to c'alal sacub te q'uinale.

Oseas 2:16

Ta hich ora, xchi te Jehová, ya ya'bon jbihilin Ishi, ma ba ya ya'bonix jbihilin Baali.