Jueces 19:16 - Bible in Tzeltal Bachajón

¹⁶ Pero ahc'abalix a c'ax tal jtuhl mamal te yac ta suhtel tal ta ya'tel ta q'uinal. Te mamal talem ta witsiltic yu'un Efraín, jyanlum te ay ta nahinel ta Gabaa; te mach'atic nahinemic tey a ha snich'nab Benjamín.

Bible in Tzeltal de Oxchuc y Tenejapa

¹⁶ Ja'uc me to, ajc'ubalix a te c'ax tel jtul mamal te sujt' tel ta yat'el ta sc'al. Te mamal ay ta witstiquil yu'un Efraín, ja' nax yu'un te talem ta nainel ta Gabaa, melel te mach'atic nainemic ta lum ja'ic te mach'atic sts'umbal Benjamín.

Jueces 19:16 Referans Kwoze

Salmos 104:23

Ya xloc' tal ta a'tel te ants-winiquetic, ya x'a'tejic ha to ta tibiltic.

Jueces 19:1

Ta yorahil te mayuc ajwalil ta Israel a, ay jtuhl levita-winic te nahinem hich te bin ut'il jbehyom ta lugar te namal ay ta witsiltic yu'un Efraín. Yic'oj jtuhl ants talem ta Belén ta sq'uinal Judá.

2 Tesalonicenses 3:10

Hich nix la jpasex ta mandar te c'alal joquexcotic to a: Te mach'a ma sc'an ya x'a'tej, ma me xwe', xchihotcotic.

Efesios 4:28

Te mach'a ya sna' elec', ma me xya'iyix elec', ac'a a'tejuc, ac'a spas ta sc'ab te bin lec ta pasel, scuenta yu'un hich ya sta a te bin ya ya'be te mach'a mayuc bin ay yu'une.

Eclesiastés 5:12

Ha buhts'an swayel te mach'a ya x'a'tej, teme bayel ya xwe' o jteb nax; yan te jc'ulej ma x'ac'ot ta wayel yu'un te bintic bayel ay yu'une.

Eclesiastés 1:13

La jca'telin yilel soc slehel ta scuenta p'ijil-o'tanil spisil bin ya yich' pasel ta ye'tal ch'ulchan. Ha tulan a'tel a'bot yu'un Dios te yal-snich'nab ants-winiquetic scuenta yu'un ya x'a'tejic a.

Proverbios 24:27

Nahil xachahpan awa'tel, pasa awa'tel ta aq'uinal; patil yac apas ana.

Proverbios 14:23

Ta spisil te a'tel ay bin ya xloc' a, yan te tojol c'op ya yac' pobrehil.

Proverbios 13:11

Te c'ulejalil te ma lecuc tahbil, ya xpehc'aj bahel, yan te mach'a c'unc'un ya stsob, ya xmuc'ub bahel yu'un.

Salmos 128:2

Te c'alal awe'be sit te ya'tel ac'ab, bayel me awutsil soc lec ya xc'ohat.

Jueces 19:14

Hich c'axic xan bahel. Mero tibilix a c'ohtic ta Gabaa, ha pueblo yu'un Benjamín.

Génesis 3:19

Ta scuenta achic' yac ata awe'el, ha to c'alal ya xc'atp'ujat ta lum, como tey chicnajemat talel a; ta ts'ubil lum pasbilat, ta ts'ubil lum ya suhtat, xchi te Diose.

Jueces 19:15

Ha yu'un la yihquitayic hilel te be, ochic bahel ta Gabaa scuenta yu'un tey ya xc'ax ahc'abal yu'unic a. La shuhcan sbahic ta plaza yu'un te pueblo, yu'un mayuc mach'a ic'otic ochel ta na yu'un ya xc'ax ahc'abal yu'unic tey a.

Jueces 19:17

Te mamal, c'alal la yil te jbehyom ta plaza yu'un te pueblo, la sjoc'obe: ¿Banti ya xbahat soc ban talemat? xchi.

Oseas 9:9

Jc'axel la sbohlobtes sbahic, hich te bin ut'il ta sc'ahc'alel Gabaa. Te Jehová ya me sna'be schopolil soc ya me ya'be castigo yu'un te smulique.