Jueces 19:15 - Bible in Tzeltal Bachajón

¹⁵ Ha yu'un la yihquitayic hilel te be, ochic bahel ta Gabaa scuenta yu'un tey ya xc'ax ahc'abal yu'unic a. La shuhcan sbahic ta plaza yu'un te pueblo, yu'un mayuc mach'a ic'otic ochel ta na yu'un ya xc'ax ahc'abal yu'unic tey a.

Bible in Tzeltal de Oxchuc y Tenejapa

¹⁵ La yijq'uitayic jilel te be, ochic bael ta Gabaa swenta yu'un tey ya xc'ax ajc'ubal yu'unic a. Tey c'o snajc'an sbaic ta parque, melel ma'yuc mach'a ya x'ac'bot swayib yu'un.

Jueces 19:15 Referans Kwoze

Jueces 19:18

Te levita-winic la sjac': Talemotcotic ta Belén ta sq'uinal Judá, ya xbohotcotic ta lugar te namal ay ta witsiltic yu'un Efraín te banti talemon. C'ohon tal ta Belén ta sq'uinal Judá, pero yo'tic ya xbohonix ta sna Jehová, mayuc mach'a ya yic'on ochel ta sna.

Hebreos 13:2

Ma me xch'ay ta awo'tanic te ya x'otseswanex ta anahic, como ay mach'atic hich la spasic te ma ba la sna'ic te la yic' ochel ta snahic ch'ul a'batetic.

San Mateo 25:43

c'alal jbehyomalon, ma ba la awotseson ta anahic; c'alal mayuc jc'u' jpac', mayuc bin la awa'bonic jlap; c'alal ayon ta chamel soc ayon ta cárcel, ma ba c'oht awilonic, xchi me sc'oblalic.

San Mateo 25:35

como te c'alal ayon ta wi'nal, la awa'bonic jwe'el; te c'alal ayon ta taquinti'il, la awa'bonic bin ya cuch'; te c'alal jbehyomalon, la awic'onic ochel ta anahic;

Jueces 19:14

Hich c'axic xan bahel. Mero tibilix a c'ohtic ta Gabaa, ha pueblo yu'un Benjamín.

Jueces 19:16

Pero ahc'abalix a c'ax tal jtuhl mamal te yac ta suhtel tal ta ya'tel ta q'uinal. Te mamal talem ta witsiltic yu'un Efraín, jyanlum te ay ta nahinel ta Gabaa; te mach'atic nahinemic tey a ha snich'nab Benjamín.

Jueces 20:4

Ha yu'un te levita-winic, te smamalal te ants te laje, hich la yal: C'ohon soc te ants cu'un ta Gabaa ta sq'uinal Benjamín yu'un ya xc'ax ahc'abal cu'un tey a.