Jueces 19:1 - Bible in Tzeltal Bachajón

¹ Ta yorahil te mayuc ajwalil ta Israel a, ay jtuhl levita-winic te nahinem hich te bin ut'il jbehyom ta lugar te namal ay ta witsiltic yu'un Efraín. Yic'oj jtuhl ants talem ta Belén ta sq'uinal Judá.

Bible in Tzeltal de Oxchuc y Tenejapa

¹ Te c'alal ma'yuc ajwalil ta Israel, ay jtul levita-winic te c'ubul to nainem ta witstiquil yu'un Efraín. Te levita-winic la yic' yantsin jtul ants ay ta Belén ta sq'uinal Judá.

Jueces 19:1 Referans Kwoze

Jueces 18:1

Ha yorahil a te mayuc ajwalil ta Israel. Soc ha nix yorahil a te jchahp yu'un Dan yaquic ta slehel sq'uinalic banti ya xhu' ya xnahinic, como ma to ba yich'oj sq'uinalic ta yohlil te jujuchahp Israel.

Jueces 17:8

Ha loc' bahel ta Belén ta sq'uinal Judá ta slehel banti ya xhu' ya xnahin. Behen bahel, c'oht ta witsiltic yu'un Efraín ta sna te Micaía.

San Mateo 2:6

Ha'at, Belén, te ayat ta sq'uinal Judá, ma ba tut pueblohat yu'un te principaletic yu'un Judá; como tey ya xloc' tal ta atojol jtuhl jtsobaw te ya scuentahin te pueblo Israel cu'un, xchi.

Malaquías 2:15

¿Ma bal junuc nax pasbil yu'un Dios, te ha sbaq'uetal soc sch'uhlel? ¿Soc bin ya sle? Ha ya sle ts'umbalil te jun yo'tanic ta stojol Dios. Canantaya awo'tanic, ma me xch'ay te jun awo'tan ta stojol awihnam te la ata c'alal queremat to ahe.

Jueces 21:25

Ta hich ora mayuc ajwalil ta Israel, jujutuhl la spasic te bin la sc'an yo'tanic.

Jueces 17:6

Ta hich ora mayuc ajwalil ta Israel, jujutuhl ya spasic te bin ya sc'an yo'tanic.

Josué 24:33

Ha nix hich cham te Eleazar snich'an Aarón, la smuquic ta tsehl yu'un Finees te snich'an, te a'bot ta witsiltic yu'un Efraín.

Josué 24:30

La smuquic ta sq'uinal ta Timnat-sera te ay ta witsiltic yu'un Efraín, ta stojol norte yu'un te wits Gaas.

Daniel 5:3

Hich la yich'ic talel te vasohetic pasbilic ta oro te loq'uemic tal ta templo yu'un Dios te ay ta Jerusalén, la yuch'ic vino a te ajwalil soc te príncipaletic, te antsetic yu'un soc te yan antsetic yu'une.

Ester 2:14

Ya xbaht ta tibiltic, ta yan c'ahc'al ya xbaht ta yan na yu'un antsetic, ya xcanantayot yu'un te Saasgaz te eunuco-winic yu'un te ajwalil te ya scanantay te antsetic yu'un te ajwalil. Tey ma ba ya xtalic xan ta stojol te ajwalil, ha nax teme mulanot yu'un te ajwalil soc ya x'ic'ot yu'un ta sbihil.

2 Crónicas 11:21

Te Roboam c'ax hich c'ux la ya'iy ta yo'tan a te Maaca te bin ut'il te yantic antsetic yu'une. Ta spisil ay waxaclajuntuhl (18) yihnam soc oxwinic (60) ta tuhl yantic antsetic yu'un, soc ay waxaqueb scha'winic (28) queremetic soc oxwinic (60) ach'ixetic yu'un.

1 Reyes 11:3

Ay ho'lajunwinic scha'bahc' (700) ta tuhl te la yihnamin, te ha yantsil-nich'anic ajwaliletic, soc ho'lajunwinic (300) ta tuhl yantic antsetic yu'un. Te antsetic yu'un la showiytesbeyic yo'tan te Salomón.

2 Samuel 20:3

Te c'alal c'oht ta sna ta Jerusalén te David, la yic' tal te lajuntuhl yantic antsetic yu'un te yihquitayej hilel ta canan-na, la smacticlan ta na, tey la yac' ta mac'linel a. Pero mayuc bin ora te way xan soc. Tey macalic a, me'ba' ants hilic ha to c'alal chamic.

2 Samuel 19:5

Ha yu'un te Joab baht ta na banti ay te ajwalil, hich la yalbe: Yo'tic awac'oj ta q'uexlal te a'batetic awu'un te la scoltaybatix acuxlejal soc te queremetic, ach'ixetic awu'un, te antsetic awu'un soc te yan antsetique.

2 Samuel 16:22

Ha yu'un la spasbeyic snahilpac' te Absalón ta ba na, hich way soc tey a te antsetic yu'un te stat ta stojol spisil Israel.

2 Samuel 5:13

Te David la yic' xan antsetic ta Jerusalén te c'alal loq'uemix tal ta Hebrón. Ayin yan snich'nab queremetic soc ach'ixetic.

2 Samuel 3:7

Te Saúl ay yan ants yu'un, Rizpa sbihil, ha yantsil-nich'an Aja. Te Is-boset hich la yalbe te Abner: ¿Bin yu'un wayat soc te yan ants yu'un te chawinic jtat? xchi.

Jueces 17:1

Ay jtuhl winic ta witsiltic yu'un Efraín, Micaía sbihil.

Génesis 35:19

Hich cham te Raquel, la yich' muquel ta sbehlal Efrata, ha te Belén.

Génesis 25:6

Yan te yalatac te yan antsetic yu'un, la yac'ticlambe smahtanic. Pero te c'alal cuxul to a te Abraham la sticonlan loq'uel ta stojol Isaac, la sticonlan bahel ta q'uinal ta stojol banti ya xloc' tal c'ahc'al.

Génesis 22:24

Soc ay yan ants yu'un te Nacor, Reúma sbihil, te la yalatay te Teba, Gaham, Tahas soc te Maaca.

Jueces 17:7

Ay jtuhl jcolel levita-winic ta Belén ta Judá te nahinem ta sq'uinal Judá.

Jueces 19:2

Te ants yu'un la yac' sba ta antsinel, la yihquitay te winique, baht ta sna stat ta Belén ta sq'uinal Judá; tey halaj chaneb u a.

Jueces 19:16

Pero ahc'abalix a c'ax tal jtuhl mamal te yac ta suhtel tal ta ya'tel ta q'uinal. Te mamal talem ta witsiltic yu'un Efraín, jyanlum te ay ta nahinel ta Gabaa; te mach'atic nahinemic tey a ha snich'nab Benjamín.

Jueces 3:27

C'alal c'oht ta sq'uinal Israel la yoq'uesin xulubil ta witsiltic yu'un Efraín, hich te snich'nab Israel cohic bahel ta wits soc Aod, ha nahilij bahel yu'unic.

Jueces 12:8

Ta patil och ta juez yu'un Israel te Ibzán te talem ta Belén.

Jueces 18:13

Tey c'axic bahel ta witsiltic yu'un Efraín, c'ohtic ta sna Micaía.

1 Reyes 4:8

Te lahchaytuhl gobernadoretic, hich ay te sbihilique: Ben-Hur, ta switsul Efraín;