Jueces 18:6 - Bible in Tzeltal Bachajón

⁶ Te sacerdote la sjac': Junuc me awo'tanic ya xbahex. Ay ta stojol Jehová te be banti yaquex ta bahele, xchi.

Bible in Tzeltal de Oxchuc y Tenejapa

⁶ Te sacerdote la sjac': —Junuc me awo'tanic ya xbaex. Te Cajwaltic ya me yilex bayuc ya xbaex —xi' te levitae.

Jueces 18:6 Referans Kwoze

1 Reyes 22:6

Ha yu'un te ajwalil yu'un Israel la stsob jalwanejetic, ay wan jbahc' ta tuhl, hich la sjoc'obe: ¿Ya bal ca'be guerra te Ramot yu'un Galaad, o ma'uc? xchi. Bahan, te Jehová ya me ya'be ta sc'ab te ajwalil, xchihic.

1 Tesalonicenses 3:11

Ha nix te Jtatic Dios soc te Cajwaltic Jesucristo ac'a schahpan bin ut'il ya xbohotcotic te banti ayexe.

Jeremías 23:32

Melel ya jcontrahin te jalwanejetic te ya yalic slotil wayichic, te ya yalbeyic te pueblo cu'un, te hich ya yac' howiyuc ta scuenta slotic soc sbaba-c'opic. Ma ba la jticon soc ma ba la jcalbe mandar. Mayuc bin lec loq'uem yu'unic a te pueblo ini, xchi te Jehová.

Salmos 33:18

Te sit te Jehová ay ta stojol te mach'atic ya yich'ic ya muc', te mach'atic ha smuc'ulinej yo'tanic te sc'uxul yo'tan,

1 Reyes 22:15

C'alal tal ta stojol te ajwalil, hich joc'obot yu'un: Micaías, ¿ya bal ca'becotic guerra te Ramot yu'un Galaad, o ma'uc? xchi. Mohan bahel, ya me awa'iy tsalaw, como te Jehová ya me ya'be ta sc'ab te ajwalil, xchi.

1 Reyes 22:12

Spisil te jalwanejetic junax hich yac yalbelic: Mohan bahel ta Ramot yu'un Galaad, ya me awa'iy tsalaw, como te Jehová ya ya'bat ta ac'ab te ajwalil, xchihic.

Deuteronomio 11:12

Ha q'uinal te ya xcanantayot yu'un Jehová te Dios awu'une. Spisil ora t'ojol sit Jehová te Dios awu'un ta stojol c'alal ta shahchel te ha'bil c'alal ta slajibal.

Jueces 18:5

Ha yu'un la yalbeyic: Joc'obeya Dios scuenta yu'un ya jna'cotic teme lec ya xc'ohotcotic te banti yacotcotic ta bahele, xchihic.

Jueces 18:7

Hich loq'uic bahel te ho'tuhl winiquetic, bahtic ta Lais. La yilic te jun yo'tan nahinemic te ants-winiquetic ta pueblo tey a, lamal yo'tanic, hich te bin ut'il stalel te sidonetic, mayuc mach'a ya x'uts'inotic yu'un, soc ma ba cuentahimbilic yu'un yantic. Soc namal yiloj sbahic soc te sidonetic, stuquel ayic.

1 Samuel 1:17

La sjac' te Elí: Jun awo'tan xbahat, soc te Dios yu'un Israel ac'a ya'bat te bin la ac'ambe ta stojol, xchi.

Éxodo 4:18

Hich suht bahel te Moisés ta sna te snihal-mamal Jetro, hich la yalbe: Ac'awon suhtel bahel ta banti ay te quermanotac ta Egipto, yu'un ya jc'an ya quil teme cuxulic to, xchi. Lamaluc me q'uinal yac awa'iy c'alal ya xbahat, xchi te Jetro.