Jueces 18:30 - Bible in Tzeltal Bachajón

³⁰ Te snich'nab Dan tey la stehc'anic a te loc'omba pasbil ta c'abal yu'un ya yich' ch'uhuntayel. Te Jonatán snich'an Gersón, te snich'an Moisés, soc te snich'nab Jonatán ha sacerdotehetic c'ohtic yu'un te jchahp yu'un Dan ha to ta yorahil te och ta c'abal te q'uinale.

Bible in Tzeltal de Oxchuc y Tenejapa

³⁰ Te danetic tey la yaq'uic a te loc'omba te lec pasbile, te ya squejan sbaic ta stojole. Te sacerdote yu'une, ja' Jonatán, sts'umbal Gersón, soc ja' antiguo stat te Moisés. Te sts'umbal Jonatán ja' sacerdoteetic ta cajalcaj yu'un te danetic, ja' to ta yorail te tal ta chuquel bael.

Jueces 18:30 Referans Kwoze

Jueces 17:5

Hich te Micaía ay sna banti ya sch'uhuntay te diosetic yu'une. La spas jun efod soc loc'ombahetic yu'un na, soc la yotses ta sacerdote jtuhl snich'an.

Jueces 17:3

Te c'alal la suhtbe te ho'lajunwinic yoxbahc' (1,100) ta sehp plata, hich la yal te snane: Ta scuenta te cal, jc'axel ca'beyejix Jehová te taq'uin scuenta spasel jun loc'omba pasbil ta c'abal soc yan pasbil ta uhltesbil taq'uin. Ya jsutbat te taq'uine, xchi.

Jueces 13:1

Te snich'nab Israel la scha'pasic xan te bin chopol ta stojol Jehová, hich te Jehová la yac'ticlan ta sc'ab te filisteohetic cha'winic (40) ha'bil.

Éxodo 2:22

Te antse ayin stut querem-al; te Moisés la ya'be sbihil Gersón, como la yal: Jbehyomal ayon ta yan q'uinal, xchi.

Deuteronomio 31:29

Como jna'oj te c'alal chamenonix a, ya me abohlobtes abahic soc ya me awihquitayic te be te la jca'beyex at'unic, ya me xtal wocol ta atojolic ta patil ta scaj te yac apasic te bintic chopol ta sit te Jehová, yac ahachbeyic yilimba yu'un te bin yac apasic, xchi.

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Deuteronomio 27:15

Chopol sc'oblal te mach'a ya spas te bin lop'taylambil, o loc'omba pasbil ta uhltesbil taq'uin, ha ya'tel te mach'a ya sna' spasel, te muquen ya stehc'an, ha ihlaybil yu'un Jehová, xchihic. Hichuc, xchihic me spisil te pueblo.

Levítico 26:1

Ma me xapas loc'ombahetic o bin loc'taylambil, ma me xatehc'an ch'ultesbil ton, soc ma me xawac' ta aq'uinalic chahpambil ton yu'un yac aquejan abahic ta stojol; como ho'on, Jehovahon, te Dioson awu'unique.

Éxodo 20:4

Ma me xapasbe sloc'ombahil o biluc a te pajal yilel soc te bintic ay ta ch'ulchan, ta bahlumilal o ta ha'etic ta ye'tal bahlumilal.

Éxodo 18:3

soc te cheb yalatac: Gersón sbihil te jtuhle, yu'un la yal te Moisés: Jbehyemon ta yan q'uinal, xchi;

2 Reyes 15:29

Te c'alal ay ta ajwalil yu'un Israel a te Peka, tal te Tiglat-pileser ajwalil yu'un Asiria, la stsal te Ijón, Abel-bet-maaca, Janoa, Cedes, Hazor, Galaad, Galilea soc spisil te sq'uinal Neftalí; la yic'ticlambe bahel ta chuquel ta Asiria te mach'atic nahinemic tey a.

2 Reyes 17:18

Ha yu'un te Jehová bayel ilin ta stojol Israel, hich la sloq'ues ta stojol. Ha xanix hil stuquel te jchahp yu'un Judá.

2 Reyes 17:20

Ha yu'un te Jehová la sloq'ues ta stojol spisil te sts'umbal Israel, la ya'be swocolic soc la yac' ta sc'ab jpoj-biluquetic ha to c'alal jc'axel la sloq'ues ta stojol.

2 Reyes 17:22

Te snich'nab Israel la st'unic spisil te muliletic la spas te Jeroboam, ma ba la yihquitayic

2 Reyes 17:23

ha to c'alal Jehová la sloq'ueslan ta stojol, hich te bin ut'il yaloj ta scuenta spisil te jalwanejetic te a'batetic yu'une. Hich te Israel ic'otic bahel ta chuquel ta Asiria c'alal ora.