Jueces 18:23 - Bible in Tzeltal Bachajón

²³ La yawtayic te snich'nab Dan, hich la sut sitic, la sjoc'obeyic te Micaía: ¿Bin la apas te la atsob winiquetic? xchihic.

Bible in Tzeltal de Oxchuc y Tenejapa

²³ Te danetic la yaiybeyic stojol yaw te mach'atic yacalic ta nutsaw baele. Jich la sujt'es sitic, la sjojc'obeyic te Micaía: —¿Bi la apas? ¿Bistuc bayal ya awawtayotic? —xiic.

Jueces 18:23 Referans Kwoze

Isaías 22:1

Ha te sc'op jalwanej ta stojol te spamlej yu'un nahalsitil: ¿Bin ut'il ay a te apisilic mohemex ta ba nahetic?

Salmos 114:5

Mar, ¿bin yu'un ahnat? Ha'at, Jordán, ¿bin yu'un te suhtat ta apat?

2 Reyes 6:28

Soc la yal xan: ¿Bin la apas? xchi. La sjac' te ants: Te ants ini hich la yalbon: Ic'a tal te awale, ya jwe'tic yo'tic, pajel ya jwe'tic te cu'une, xchi.

2 Samuel 14:5

¿Bin la apas? xchi sc'oblal yu'un te ajwalile. La sjac': Hilemon ta me'ba' ants, chamix jmamalal.

1 Samuel 11:5

Ha yorahil yac ta hulel ta a'tel soc j'a'tel-wacaxetic a te Saúl, hich la sjoc'oy: ¿Bin la spas te pueblo te yacalic ta oq'uel? xchi. La yalbeyic ya'iy te bin la yalic te winiquetic yu'un Jabes.

Génesis 21:17

Dios la ya'iybe yoq'uel te querem. Hich te ch'ul a'bat yu'un Dios la yawtay te Agar c'alal ta ch'ulchan: ¿Bin la apas, Agar? Ma xiwat, yu'un Dios a'iybotix te yoq'uel te querem te banti ay.

Jueces 18:22

C'alal namal hilix yu'unic a te sna Micaía, la stsob sbahic te winiquetic te nopol nahinemic tey a, la snutsic bahel te snich'nab Dan.

Jueces 18:24

La sjac' te Micaías: Ha'ex la awich'bonic bahel te diosetic jpasoj soc te sacerdote cu'un, hich ya xloq'uex bahel. ¿Bin ya xhil xan cu'un? ¿Bin yu'un hich yac ajoc'obon: Bin la apas? xchi.