Jueces 18:20 - Bible in Tzeltal Bachajón

²⁰ Tse'el yo'tan yu'un te sacerdote. La stsac bahel te efod, te loc'ombahetic yu'un na, soc te loc'omba, baht soc te sts'umbal Dan.

Bible in Tzeltal de Oxchuc y Tenejapa

²⁰ Ja' la smulan te sacerdote. La stsac bael te loc'omba, te efod, soc te yajcananic yu'un na, bajt' soc te danetique.

Jueces 18:20 Referans Kwoze

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

Filipenses 3:19

Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal.

Hechos 20:33

Mayuc mach'a la jbic'sitaybe plata, oro, o sc'u' spac'.

Oseas 4:3

Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.

Ezequiel 13:19

La abohlobtesbonic jc'oblal ta stojol te pueblo cu'un ta scuenta cheb oxeb ta johp cebada soc xeht'elul pan, ha te yac amilic te mach'atic ma sc'oblaluc ya xlajic soc yac awac' cuxajuc te mach'atic sc'oblal ma ba cuxul ya xhilic, te yac alo'loybonic te pueblo cu'un te ya sch'uhunic te lotil c'ope.

Isaías 56:11

Ha ts'i'etic te ay bayel swi'nalic, ma xnoj sch'uhtic; ha jcanan-tuminchijetic te ma sna'beyic scuentahil, spisilic ya st'unic te be yu'unic, jujutuhl ya sle yutsil slequilic.

Proverbios 30:15

Ay cheb yantsil-nich'an te nap'ac te hich ya yalic: A'bon, a'bon, xchihic. Ay oxeb te bin ma xnoj sch'uhtic, chaneb te mayuc bin ora ya yal: Tic'onix a, ma xchihuquic:

Jueces 17:10

Hilan ta jna, xchi te Micaía. Ha me tatil soc sacerdote ya xc'ohat cu'un; ya jtojat lajuneb (10) ta sehp plata ta jujun ha'bil, soc ya ca'bat ac'u' apac' soc awe'el awuch'el, xchi.

Levítico 26:1

Ma me xapas loc'ombahetic o bin loc'taylambil, ma me xatehc'an ch'ultesbil ton, soc ma me xawac' ta aq'uinalic chahpambil ton yu'un yac aquejan abahic ta stojol; como ho'on, Jehovahon, te Dioson awu'unique.

Jueces 18:19

Ch'aban me, maca awe ta ac'ab, joquinawotcotic bahel, scuenta yu'un tatil soc sacerdote cu'uncotic ya xc'ohat. ¿Ha bal lec teme sacerdotehat ta sna jtuhl winic o teme sacerdotehat ta stojol jchahp yu'un Israel? xchihic.

Jueces 18:21

Hich loq'uic behel, ha nahilij bahel yu'unic te alaletic, wacaxetic soc sbiluquic.

Ezequiel 21:21

Como te ajwalil yu'un Babilonia ya stehc'an sba ta jet-be, ta shahchibal te cheb be, yu'un ya stuhun jna'ojel; la slihlin te a'tejibaletic yu'un t'ihmalte', la sjoc'obe te loc'ombahetic yu'une, soc la yilbe sehcub chambahlam.