Jueces 18:19 - Bible in Tzeltal Bachajón

¹⁹ Ch'aban me, maca awe ta ac'ab, joquinawotcotic bahel, scuenta yu'un tatil soc sacerdote cu'uncotic ya xc'ohat. ¿Ha bal lec teme sacerdotehat ta sna jtuhl winic o teme sacerdotehat ta stojol jchahp yu'un Israel? xchihic.

Bible in Tzeltal de Oxchuc y Tenejapa

¹⁹ La sjaq'uic: —¡Ch'aban nax me! ¡La' me, joinawotic bael! Ya jc'antic xtuunat cu'untic ta sacerdote, soc ya jc'antic jichuc ya xc'oat te bit'il jtatic. ¿Me ja'uc lec ya awaiy te ya xtuunat ta sacerdoteil ta stojol spisil ta jchajp sts'umbal Israel, te ma ja'uc jwol nax na yu'un jtul winique? —xiic.

Jueces 18:19 Referans Kwoze

Job 29:9

te príncipaletic ch'abic ta c'op, la smac yehic ta sc'abic;

Job 21:5

Ilawonic, xiwanic yu'un, maca awehic ta ac'ab yu'un.

Jueces 17:10

Hilan ta jna, xchi te Micaía. Ha me tatil soc sacerdote ya xc'ohat cu'un; ya jtojat lajuneb (10) ta sehp plata ta jujun ha'bil, soc ya ca'bat ac'u' apac' soc awe'el awuch'el, xchi.

Miqueas 7:16

Ya me yilic te nacionetic, ya xq'uexawic yu'un spisil te yipique; ya me smac yehic ta sc'abic soc ya me xmahc schiquinic.

Proverbios 30:32

Teme ta scaj asonsohil la atoy aba, soc teme chopol anopoj te bin yac apase, ac'a ac'ab ta awe.

San Mateo 23:9

Soc ma me ayuc mach'a te yac awalbe ‘jtat’ li' ta bahlumilali, como jtuhl nax te Atatic, ha te ay ta ch'ulchan.

2 Reyes 13:14

Te Eliseo tahot ta chamel te ha cham yu'une. Te Joás ajwalil yu'un Israel baht yil, la yoq'uetay, hich la yal: ¡Tatil cu'un, tatil cu'un, ha carreta yu'un Israel soc jmoheletic ta cawu yu'un! xchi.

2 Reyes 6:21

C'alal ilotic yu'un te ajwalil yu'un Israel, la sjoc'obe te Eliseo: ¿Jtatic, ya bal jmilticlan? xchi.

Jueces 18:18

Hich ochic bahel te winiquetic ta sna Micaía soc la stsaquic te loc'omba pasbil ta c'abal, te efod, te loc'ombahetic yu'un na, soc te loc'omba pasbil ta uhltesbil taq'uin. Hich halbotic yu'un te sacerdote: ¿Bin yacalex ta spasel? xchi.

Jueces 18:20

Tse'el yo'tan yu'un te sacerdote. La stsac bahel te efod, te loc'ombahetic yu'un na, soc te loc'omba, baht soc te sts'umbal Dan.