Jueces 17:5 - Bible in Tzeltal Bachajón

⁵ Hich te Micaía ay sna banti ya sch'uhuntay te diosetic yu'une. La spas jun efod soc loc'ombahetic yu'un na, soc la yotses ta sacerdote jtuhl snich'an.

Bible in Tzeltal de Oxchuc y Tenejapa

⁵ Te Micaía ay jtsal na yu'un ta bay ya squejan sba ta stojol te dios yu'une. La spas jun efod soc yajcanan yu'un sna. Ja' la yac' ta sacerdote te jtul snich'ane.

Jueces 17:5 Referans Kwoze

Jueces 18:14

Te ho'tuhl winiquetic te c'ohemiquix ta yilel te q'uinal yu'un Lais, la yalbeyic te yermanotac: ¿Ma bal ana'ojic te ta na ini ay efod soc loc'ombahetic yu'un na, jun loc'omba pasbil ta c'abal soc ay yan pasbil ta uhltesbil taq'uin? Nopahic hiche bin ya sc'an yac apasic yu'un, xchihic.

Jueces 8:27

Te Gedeón la spas ta efod te la yac' ta slumal ta Ofra. Spisil Israel la yac' sbahic ta antsinel c'ohem ta stojol te efod tey a. Ha sc'ohchinojibal c'oht yu'un te Gedeón soc spisil mach'atic ay yu'un ta sna.

Génesis 31:19

Te Labán bahem ta sloq'uesbeyel stsotsel stuminchij a, ha yu'un te Raquel la yelc'ambe yahcanan te state.

Jueces 18:24

La sjac' te Micaías: Ha'ex la awich'bonic bahel te diosetic jpasoj soc te sacerdote cu'un, hich ya xloq'uex bahel. ¿Bin ya xhil xan cu'un? ¿Bin yu'un hich yac ajoc'obon: Bin la apas? xchi.

Génesis 31:30

Ya suhtatix bahel yu'un awo'tanuc te ayatix ta sna te atate, pero ¿bin yu'un la awelc'ambon talel te diosetic cu'un? xchi.

Oseas 3:4

Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

Éxodo 29:9

Ya me achucbe sch'uhtic te Aarón soc snich'nab, soc ya me axojticlambe ta sjolic te spixjol pac'; hich ay ya'telic ta sacerdotehil te ma xlaj sc'oblal. Hich me yac awa'be yich' ya'telic te Aarón soc te snich'nabe.

Éxodo 28:15

Ya me apas te bolsa pac' ya xc'oht ta stahn scuenta schahpanel c'op, buen ch'albil ta ts'isel; hich nix xapas te bin ut'il te efod: ha ta oro, soc ta yax, chi'in-yax soc tsajal estambre, soc ts'otbil lino.

Hebreos 5:4

Mayuc mach'a stuquel-o'tan nax ya yac' sba ta muc'ul sacerdotehil, ya sc'an ya x'ic'ot yu'un Dios, hich te bin ut'il ic'ot te Aarón.

Oseas 8:14

Israel ch'ay ta yo'tan te Jpaswanej yu'une, la spas t'ujbil muc'ul nahetic. Judá la spas bayel pueblohetic te ayic sts'ahcul; pero ya jticon bahel c'ahc' ta stojol te pueblohetic yu'un te ya slajimbe te t'ujbil muc'ul nahetic yu'une.

Esdras 1:7

Te ajwalil Ciro la sloq'ues te biluquetic te ya xtuhun ta sna Jehová, te yich'oj ta Jerusalén te Nabucodonosor te la yac'ticlan ta sna te diosetic yu'une.

1 Reyes 12:31

Soc la spas nahetic ta ba tsehletic, soc la stsa loq'uel sacerdotehetic ta yohlil te pueblo te ma ha'uc snich'nab Leví.

1 Samuel 23:6

Te Abiatar snich'an Ahimelec, te baht ta ahnel ta stojol David, yich'oj bahel ta Keila te efod.

Éxodo 28:4

Te c'u'uletic ya spasic, ha te bolsa pac' ya xc'oht ta stahn, te efod, nahtil-c'u'ul, muc'ul c'u'ul te ch'albil ta ts'isel, spixjol pac', soc te schuhquil sch'uhte. Ya me spasic te ch'ul c'u'uletic yu'un te abanquil Aarón soc te snich'nab scuenta yu'un ha me sacerdotehetic ya xc'ohtic cu'un.

Éxodo 24:5

La sticon bahel jcolel-winiquetic yu'un te snich'nab Israel te la yaq'uic scohtol chic'bil mahtaniletic soc la yaq'uic jcolel torohetic scuenta mahtaniletic yu'un lamal q'uinal ta stojol Jehová.

Números 3:10

Te Aarón soc te snich'nab ya me awac' te ya x'a'tejic ta sacerdotehil. Te mach'a yan ya xnohpoj tal, ya me xcham, xchi.

Jueces 17:4

Hich te Micaía la suhtbe te taq'uin te snane, te ha la yich' bahel lajunwinic (200) ta sehp plata, baht ya'be te j'ultesej-taq'uin te la spas ta loc'omba pasbil ta c'abal soc ta uhltesbil taq'uin. La yich'ic aq'uel ta sna te Micaía.

Jueces 18:30

Te snich'nab Dan tey la stehc'anic a te loc'omba pasbil ta c'abal yu'un ya yich' ch'uhuntayel. Te Jonatán snich'an Gersón, te snich'an Moisés, soc te snich'nab Jonatán ha sacerdotehetic c'ohtic yu'un te jchahp yu'un Dan ha to ta yorahil te och ta c'abal te q'uinale.

Isaías 44:13

Te carpintero ya sp'is ta sp'isojibal, ya sjisbe srayahil; ya schahpan ta cepillo, ya sp'is ta compás. Ya spas ta sloc'omba winic, yich'beyej st'ujbilal winic, yu'un ya yac' nahinuc ta na.

Ezequiel 21:21

Como te ajwalil yu'un Babilonia ya stehc'an sba ta jet-be, ta shahchibal te cheb be, yu'un ya stuhun jna'ojel; la slihlin te a'tejibaletic yu'un t'ihmalte', la sjoc'obe te loc'ombahetic yu'une, soc la yilbe sehcub chambahlam.

1 Samuel 19:13

Te Mical la stsac jun loc'omba, la yac' ta wayibal, la ya'be sjolin stsotsel tentsun soc la smuc ta pac'.

1 Reyes 12:32

Te Jeroboam la shach spasel q'uin ta ho'lajuneb (15) c'ahc'al ta swaxaquebal u, hich te bin ut'il te q'uin ya yich' pasel ta Judá, soc la yac' milbil mahtaniletic ta scajtajib ta chiq'uel mahtanil. Hich nix la spas ta Bet-el, la ya'be milbil mahtaniletic te jcolel torohetic te spasoje. Soc la ya'be ya'tel sacerdotehetic ta toyol awilaletic te pasbilic yu'une.

Ezequiel 21:26

hich yaloj te Jehová, te Ajwalil: ¡Loq'uesbeya te spohtsil sjol, loq'uesa te corona! ¡Ma hichuc ya xc'oht te bin ut'il ay ta nahil to! Te mach'a peq'uel, ya xtohybot sc'oblal, soc te mach'a toyol, ya xpehc'ambot sc'oblal.