Jueces 17:10 - Bible in Tzeltal Bachajón

¹⁰ Hilan ta jna, xchi te Micaía. Ha me tatil soc sacerdote ya xc'ohat cu'un; ya jtojat lajuneb (10) ta sehp plata ta jujun ha'bil, soc ya ca'bat ac'u' apac' soc awe'el awuch'el, xchi.

Bible in Tzeltal de Oxchuc y Tenejapa

¹⁰ La yal te Micaía: —Jilan, joinawon. Ja' me sacerdote ya xc'oat cu'un, soc jich me ya xc'oat te bit'il mero jtat. Jo'on ya jtojat lajuneb ta jsejp plata ta jujun ja'wil, soc ya cac'bat ac'u'-apac' soc awe'el —la yut.

Jueces 17:10 Referans Kwoze

1 Pedro 5:2

Canantayahic me te tuminchijetic yu'un Dios te ay ta awohlilic, ma ba ta scuenta sujel, ha'uc ta scuenta sc'anojel awo'tanic, ma ha'uc ta scuenta stahel taq'uin te ma stojiluc, ha'uc soc spisil awo'tanic.

1 Timoteo 6:10

Como te slohp' spisil te bintic chopole ha te sbic'sitayel taq'uin. Ay mach'atic la sbic'sitayic taq'uin, hich la yihquitayic sch'uhunel Dios soc ha'ic nix la ya'be sba bayel swocolic yu'un.

San Juan 12:6

Ma yu'unuc te ay ta yo'tan te pobrehetic te hich la yale, yu'un ha j'elec', como yich'oj te yawil taq'uin yu'unic soc ay ya sloq'ues te bin ya yich' otsesel tey a.

San Mateo 26:15

hich la yal: ¿Bin yac awa'bonic a teme ya ca'beyex ta ac'abic te Jesús? xchi c'ohel. La yahtaybeyic lajuneb scha'winic ta sehp plata.

Ezequiel 13:19

La abohlobtesbonic jc'oblal ta stojol te pueblo cu'un ta scuenta cheb oxeb ta johp cebada soc xeht'elul pan, ha te yac amilic te mach'atic ma sc'oblaluc ya xlajic soc yac awac' cuxajuc te mach'atic sc'oblal ma ba cuxul ya xhilic, te yac alo'loybonic te pueblo cu'un te ya sch'uhunic te lotil c'ope.

Isaías 22:21

Ya ca'be slap te ac'u'e ya jchucbe sch'uht ta schuhquil ach'uht, soc ya ca'be ta sc'ab te awa'tele. Ha tatil ya xc'oht yu'un te mach'atic ya xnahinic ta Jerusalén soc te mach'atic yu'un te sna Judá.

Job 29:16

ho'on staton te mach'atic mayuc bin ay yu'unic, soc la jtsahtay quil ta lec soc la jcoltay ta c'op te mach'a ma na'bil sba.

2 Reyes 13:14

Te Eliseo tahot ta chamel te ha cham yu'une. Te Joás ajwalil yu'un Israel baht yil, la yoq'uetay, hich la yal: ¡Tatil cu'un, tatil cu'un, ha carreta yu'un Israel soc jmoheletic ta cawu yu'un! xchi.

2 Reyes 6:21

C'alal ilotic yu'un te ajwalil yu'un Israel, la sjoc'obe te Eliseo: ¿Jtatic, ya bal jmilticlan? xchi.

1 Samuel 2:36

Te mach'atic hilemic awu'un ya me xtal bic'tajuc ta stojol ta sc'anel jsehpuc plata o jxehtuc pan, soc ya me yalbe: Awocoluc a'bon biluc a'telil ta sacerdotehil scuenta yu'un hich ya xhu' ya jwe' jxeht'uc pan a, xchi te winic yu'un Dios.

Jueces 17:11

Mero tse'el yo'tan te levita te ya sjoquin ta nahinel te winique, hich c'oht te bin ut'il mero snich'an.

Génesis 45:8

Ha yu'un ma ha'uquex la awac'onic tal li'i, ha te Dios te la yac'on tal, la yac'on ta stat faraón, la yac' te ajwalilon c'ohon yu'un spisil sna soc la ya'bon jcuentahin spisil te sq'uinal Egipto.

Jueces 17:9

¿Ban talemat? xchi te Micaía. La sjac' te levita-winic: Talemon ta Belén ta sq'uinal Judá. Ya xnahinon te banti ya xhu' ya jta jun lugar, xchi.

Jueces 18:4

La sjac': Hich soc hich la spasbon te Micaía. Ha la yotseson ta sacerdotehil yu'un, xchi.

2 Reyes 2:12

C'alal hich la yil te Eliseo hich awon: ¡Tatil cu'un, tatil cu'un! ¡Ha carretahetic yu'un Israel soc jmoheletic ta cawu yu'un! xchi ta aw. Mayuquix bin ora la yil xan te Elías. La stsac sc'u', la sch'i' ta ohlil.