Jueces 16:30 - Bible in Tzeltal Bachajón

³⁰ Awon te Sansón: ¡Ac'a lajucon soc te filisteohetic! xchi. Hich la sten bahel soc spisil yip. Yahl cohel tal te na ta sba te príncipaletic yu'un te filisteohetic soc ta sba spisil te mach'atic tey ayic a. Te jaytuhl la smil te c'alal laj, ha c'axem to xan a te jaytuhl la smil te c'alal cuxul to a.

Bible in Tzeltal de Oxchuc y Tenejapa

³⁰ soc tulan awun: “¡Ac'a lajucon soc te filisteoetique!” xi'. Tulan la sten soc spisil yip te muc'ul oyetic yu'un te templo. Jin coel tel ta sba te ajwaliletic yu'un filisteoetic soc ta sba spisil te mach'atic tey ayic a. Te Sansón ja' c'axem to xan la smil a te pajal laj soque te jayeb la smil te c'alal cuxul ta q'uinal a.

Jueces 16:30 Referans Kwoze

Filipenses 2:8

Te c'alal hich ay te bin ut'il winic, la to xan spehc'an sba a, la sch'uhun mandar c'alal ta lajel, ha te lajel ta cruz.

San Mateo 16:25

Como spisil te mach'a ya sc'uxultay sba, ya me xch'ay scuxlejal; yan te mach'a ya sch'ay scuxlejal ta jcuenta, ha ya sta scuxlejal stuquel.

1 Tesalonicenses 5:2

como ana'ojic ta lec te sc'ahc'alel te Cajwaltic hich ya xtal te bin ut'il j'elec' ta ahc'abal.

Colosenses 2:15

La spojbe yu'el te principaletic soc te mach'atic ay ya'telic, la yac'ticlan ta ilel ta comonsitil c'alal la stsalticlan ta cruz.

Filipenses 2:30

como ta scuenta te ya'tel te Cristo jteb ma ba cham yu'un, c'an yac' scuxlejal ta shu'tesel te banti ma ba hu' awu'unic acoltaybelonique.

Filipenses 2:17

Aunque ya yich' malel jcuxlejal hich te bin ut'il malbil mahtanil ta sba te milbil mahtanil soc ta sba te a'batinel yac awaq'uic ta scuenta sch'uhunel awo'tanic, tse'el co'tan yu'un soc pajal tse'el co'tantic ta jpisiltic.

Hechos 21:13

Pero la yal te Pablo: ¿Bin yu'un yac awoq'uetaybelonic soc yac awa'bonic jmel co'tan? como ma ha'uc nax chapalon te ya quich' chuquel, ha nix hich chapalon te ya xlajon ta Jerusalén ta scuenta sbihil te Cajwaltic Jesús, xchi.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

Eclesiastés 9:12

Soc mayuc mach'a sna'oj te yorahil: Hich te bin ut'il chayetic te tsacbilic ta chopol tsacojibal, o hich te bin ut'il ha'mal-mut te ya yich' chuquel ta yaquil, hich te ants-winiquetic ya yich'ic chuquel ta yorahil wocol te repente nax ya xc'oht ta stojolic.

Salmos 62:3

¿Jayeb xan ora yac acontrahinic jtuhl winic, te yac atenic ta apisilic hich te bin ut'il pahc' te yaquix ta buchel, hich te bin ut'il corral te jimbilixe?

Job 31:3

¿Ma bal ha'uc ya xc'oht jinel ta stojol te mach'a chopol yo'tan, soc te ya xc'oht lajinel ta stojol te mach'atic ya spasic te bin chopole?

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

Génesis 3:15

Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

Jueces 15:15

La yil yach'il sbaquel yahlan-e burro, la stsac soc la smil j'ohlil yoxbahc' (1,000) ta tuhl winiquetic a.

Jueces 15:8

Hich la stsac sba soc te filisteohetic, bayel la smilticlan. Patil co bahel ta nahinel ta ch'en ta ch'entiquil ta Etam.

Jueces 14:19

Te espíritu yu'un Jehová hul soc yu'el ta stojol Sansón, hich co bahel ta Ascalón, la smil lajuneb scha'winic (30) ta tuhl winiquetic tey a. La yich'be bahel sc'u'ic, ha baht stoj a te mach'atic la sna'beyic scuentahil te chucul c'ope; ilinem a suht bahel ta sna te state.

Jueces 16:29

Hich te Sansón la stsac ta sc'ab schebal te muc'ul oyetic te banti ipajem te nahe. La yich' yip a, la yac' swa'el-c'ab ta jun oy soc te sq'uexam-c'ab ta yan oy.

Jueces 16:31

Te yermanotac soc spisil mach'atic ay yu'un te stat baht yiq'uic tal te sbaq'uetal, la smuquic ta ohlil yu'un Zora soc Estaol, ta smuquenal Manoa te state. Jtahb (20) ha'bil ay ta juez ta Israel.