Jueces 16:28 - Bible in Tzeltal Bachajón

²⁸ Te Sansón la sc'opon te Jehová, hich la yal: Cajwal Jehová, awocoluc, na'awon soc a'bon quip jun xan buelta, Dios cu'un, scuenta yu'un ya ca'be stojic te filisteohetic te schebal te jsite, xchi.

Bible in Tzeltal de Oxchuc y Tenejapa

²⁸ Te Sansón la sc'opon te Cajwaltic, jich la yal: —Ya calbat wocol, Cajwal, na'awon junuc xan buelta. Ac'bon xan quip te ya stojbonic filisteoetic ta xchebal te jsite, jun nax buelta ta spisilic —xi' ta sc'oponel te Diose.

Jueces 16:28 Referans Kwoze

Jeremías 15:15

Ha'at ana'oj, Jehová; na'awon, canantayawon, a'beya spacol te mach'atic ya yuts'inonique. Te bin ut'il ma orahuc ya x'ilinat, ma xaloq'ueson bahel; yac ana' te yac ta c'axel jwocol ta acuenta.

Salmos 143:12

Ta scuenta sc'uxul awo'tan lajimbon te jcontratac, lajina spisil te jcontratac, como ho'on awa'baton.

Apocalipsis 6:10

Tulan hich yac yalbelic: Cajwal te toj awo'tan soc te smelelil te ac'ope, ¿bin to ora te yac awich' ta c'op soc te yac awa'be stoj te mach'atic ayic ta bahlumilal te la smal jch'ich'elcotic? xchihic.

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

2 Timoteo 4:14

Te Alejandro te jten-taq'uin, la ya'bon c'axuc bayel jwocol; ya me x'a'bot stoj yu'un Cajwaltic te bin la spase.

Salmos 116:4

Hich la jc'opon ta sbihil Jehová: ¡Jehová, coltaybon jcuxlejal! xchihon.

2 Crónicas 20:12

¡Dios cu'untic! ¿ma bal yacuc achahpan? Como mayuc quipcotic ta stojol hich yipal te ya xtal ya'botcotic guerra. Ma jna'cotic bin ya jpascotic, cac'oj jsitcotic ta atojol, xchi.

Jueces 15:18

Te bin ut'il mero bayel taquij yo'tan te Sansón, hich la yawtay te Jehová: Ha'at la awaq'uix te muc'ul coltayel ini ta scuenta te a'bat awu'un, ¿bin ut'il ay a te yac awac' te ya xchamon ta taquinti'il soc te ya x'ochon ta sc'ab mach'atic ma ba yich'ojic circuncisión? xchi.

Jueces 5:31

Hich me ac'a lajuc spisil acontratac, Jehová; yan te mach'atic c'uxat ta yo'tanic, hichuc me te bin ut'il te c'ahc'al c'alal ya xloc' tal soc yip, xchihic ta c'ayoj. Cha'winic (40) ha'bil lamal te q'uinale.

Hebreos 11:32

¿Bin xan ya cal? Mayuc tiempo cu'un te ya calbe sc'oblal te Gedeón, Barac, Sansón, Jefté, David, soc nix te Samuel soc te jalwanejetic,

Jonás 2:7

C'alal yac ta lajel yip te jcuxlejal la jna' te Jehová; te bin la jcalbat c'oht ta atojol, c'oht c'alal ta ch'ul templo awu'un.

Jueces 16:27

Mero nojel ta ants-winiquetic te na soc tey ayic a spisil te príncipaletic yu'un te filisteohetic. Ta scha'cajal ay wan j'ohlil waxacbahc' (3,000) ta tuhl ants-winiquetic te yacalic ta yilel te bin yac ta spasel te Sansón.

Jueces 16:29

Hich te Sansón la stsac ta sc'ab schebal te muc'ul oyetic te banti ipajem te nahe. La yich' yip a, la yac' swa'el-c'ab ta jun oy soc te sq'uexam-c'ab ta yan oy.

Salmos 10:12

¡Hahchan, Jehová, hacha ac'ab! ¡Ma me xch'ay ta awo'tan te pobrehetique!